روس کی 97 فیصد تجارت شنگھائی ممالک کے ساتھ مقامی کرنسیوں میں ہوتی ہے:روس

?️ 19 نومبر 2025

سچ خبریں:روسی صدر ولادیمیر پیوٹن نے کہا ہے کہ روس اور شنگہائی تعاون تنظیم کے ممالک کے درمیان تجارت میں مقامی کرنسیوں کا استعمال 97 فیصد تک پہنچ چکا ہے اور تنظیم عالمی اثرورسوخ بڑھانے میں اہم کردار ادا کر رہی ہے۔

ریانووستی نیوز ایجنسی کی رپورٹ کے مطابق روس کے صدر ولادیمیر پیوٹن نے کہا ہے کہ شنگہائی تعاون تنظیم کے رکن ممالک کے ساتھ روس کی تجارت کا زیادہ حصہ مقامی کرنسیوں میں انجام پا رہا ہے۔

یہ بھی پڑھیں:چین میں شنگھائی تعاون تنظیم کے اجلاس کی تاریخ کا اعلان

رپورٹ کے مطابق، منگل کے روز روسی صدر نے شانگہائی تعاون تنظیم کے رکن ممالک کے وزرائے اعظم کے اعلیٰ سطحی وفود سے ملاقات کی اور باہمی تعاون پر گفتگو کی۔

پیوٹن نے کہا کہ تنظیم کے رکن ممالک کی حکومتیں باہمی تعلقات کے فروغ میں اہم کردار ادا کر رہی ہیں اور مشترکہ مقصد یہ ہے کہ شنگہائی تعاون تنظیم عالمی سطح پر ایک با اثر ادارے کے طور پر مضبوط ہو۔

انہوں نے بتایا کہ روس اور ایس سی او کے رکن ممالک کے درمیان تجارتی حجم مسلسل بڑھ رہا ہے اور 97 فیصد سے زیادہ تجارت مقامی کرنسیوں کے ذریعے انجام پاتی ہے۔

روسی صدر کے مطابق تنظیم مالیاتی تعاون کے لیے اپنے ادائیگی کے ڈھانچے کو وسعت دے رہی ہے اور روس عالمی توانائی منڈیوں میں استحکام برقرار رکھنے میں اہم کردار ادا کر رہا ہے۔ انہوں نے کہا کہ اقتصادی تعاون کے فروغ کے لیے رکن ممالک کی مشترکہ کوششیں عملی نتائج دے رہی ہیں۔

پیوٹن نے مزید کہا کہ عالمی مالیاتی ادائیگیوں کے محفوظ اور بلا تعطل نظام کی ضرورت انتہائی اہم ہے اور رکن ممالک کو چاہیئے کہ وہ تنظیم کے دائرے میں مربوط لاجسٹک نیٹ ورک کی تشکیل کے لیے اقدامات جاری رکھیں۔

مزید پڑھیں:پاکستان اگلے شنگھائی تعاون تنظیم کے اجلاس کی میزبانی کرے گا، ابھی سے تیاری کر نا ہوگی ،شہباز شریف

انہوں نے اس بات پر بھی زور دیا کہ اگرچہ بیرونی دباؤ سپلائی چینز کو متاثر کرنے کی کوشش کرتا ہے، روس توانائی کی فراہمی میں تسلسل برقرار رکھنے کے لیے پرعزم ہے۔ پوتین کے مطابق شنگہائی تعاون تنظیم کا دائرہ صرف معیشت تک محدود نہیں بلکہ یہ یوریشیا میں امن اور استحکام کو بھی تقویت دیتی ہے۔