2020 میں عراق میں 200 داعشی کمانڈر ہلاک

?️ 2 فروری 2021

سچ خبریں:عراقی انسداد دہشت گردی ایجنسی کے ترجمان نے 2020 میں داعشی دہشت گرد گروہ کے 200 سے زیادہ کمانڈروں کے قتل پر مبنی غیرمعمولی آپریشن کا اعلان کیا۔
عراقی نیوز ایجنسی واع کی رپورٹ کے مطابق عراقی انسداد دہشت گردی یونٹ کے ترجمان صباح النعمان نے کہا ہے کہ اس یونٹ نےمتعدد علاقوں میں سکیورٹی کی صورتحال کے تجزیے کا حوالہ دیتے ہوئے انٹلی جنس اور اسٹریٹجک منصوبہ تیار کرکے گذشتہ سال کے اوائل میں دہشت گرد عناصر کا پیچھا کرنا شروع کیا تھا،

عراقی خبر رساں ایجنسی واع کو دیئے گئے ایک انٹرویو میں النعمان نے کہا کہ اس اسٹریٹجک منصوبے کی تکمیل کے بعد ، ایک غیرمعمولی آپریشن شروع ہوا جس کے تحت گذشتہ سال کے آخرتک 300 سے زیادہ کاروائیاں انجام دی گئیں، جس کے دوران 200 سے زیادہ دہشت گرد ہلاک ہوئے نیز کم 300 افراد کو گرفتار بھی کیا گیا۔

انہوں نے مزید کہا کہ رواں سال کے آغاز سے ہی دہشت گرد عناصر کے تعاقب میں یہ کاروائیاں جاری ہیں، ان کے بقول، ان کارروائیوں کے نفاذ کے ساتھ ساتھ سکیورٹی فورسز کی دیگر کارروائیوں کے ذریعہ دہشت گردی کے بہت سے خطرات اور دہشت گردانہ کاروائیاں جن کا داعش نے انجام دینے کا ارادہ کیا تھا اور اس گروپ کے عناصر کے اعتراف جرم کے ذریعے ان کی نشاندہی کی گئی تھی کا مقابلہ کیا گیاہے۔

النعمان نے بتایا کہ داعش دہشت گردی کی کاروائیاں کرنے کا ارادہ رکھتی تھی لیکن انسداد دہشت گردی کے اپریٹس نے جس رفتار سے کام کیا اور جس رفتار سے اس کو اطلاع ملی اس نے ہمیں بڑی تعداد میں دہشت گردانہ کاروائیوں کو ناکام بنانے میں کامیاب کردیا، عراقی انسداد دہشت گردی ایجنسی کے ترجمان نے بھی زور دے کر کہا ہے کہ داعش عناصر کا تعاقب اور شہدا کے خون کا بدلہ لینے کے لئے آپریشن جاری رہے گا۔