ایران کے نظام کو گرانے کی مشن میں ناکامی — موساد کے نائب سربراہ برطرف

?️ 7 جون 2026

سچ خبریں: خبروں کے مطابق موساد کے سربراہ نے اپنے نائب کو اس وجہ سے برطرف کر دیا ہے کہ وہ ایران کے نظام کو گرانے کے مشن میں کامیاب نہیں ہو سکے۔

ایرنا نے اتوار کی صبح “الشروق” کے حوالے سے رپورٹ کیا ہے کہ رومن گافمن، جو نئے موساد چیف ہیں، نے اپنے نائب اور تنظیم کے دوسرے نمبر کے اہم ترین عہدیدار، جسے “الف” کے نام سے جانا جاتا ہے، کو عہدے سے ہٹا دیا ہے۔

یہ عہدیدار اس سے قبل موساد کی قیادت کے لیے بھی اہم امیدوار سمجھا جاتا تھا۔

اسرائیلی وزیر اعظم بنیامین نیتن یاہو کے دفتر نے اس خبر کی تصدیق کرتے ہوئے کہا ہے کہ یہ اقدام نئے موساد سربراہ کی جانب سے اپنی ٹیم کی تنظیمِ نو اور آئندہ برسوں میں سکیورٹی چیلنجز سے نمٹنے کی تیاریوں کے سلسلے میں کیا گیا ہے۔

بتایا جاتا ہے کہ برطرف کیے گئے نائب نے 22 سال تک خفیہ سکیورٹی آپریشنز میں خدمات انجام دی ہیں۔

کچھ ذرائع کے مطابق وہ موساد کی اس کارروائی کی قیادت کر رہے تھے جس کا مقصد ایران کے نظام کو گرانا تھا، اور اس مشن میں ناکامی کو ان کی برطرفی کی بنیادی وجہ قرار دیا جا رہا ہے۔