یوکرین کو ہارنے کے لیے ایک اور امریکی تحفہ

?️ 31 جنوری 2024

سچ خبریں: اطلاعات کے مطابق امریکی فوج بوئنگ کے ذریعے بنائے گئے طویل فاصلے تک مار کرنے والے گولہ بارود کی پہلی کھیپ یوکرین کو پہنچانے کا ارادہ رکھتی ہے۔

رشیا ٹوڈے کی رپورٹ کے مطابق روئٹرز اور پولیٹیکو نے اپنی رپورٹس میں دعویٰ کیا ہے کہ امریکی فوج یوکرین کو بوئنگ کی جانب سے حال ہی میں تیار کردہ طویل فاصلے تک مار کرنے والے جنگی سازوسامان کی پہلی کھیپ فراہم کرنے پر غور کر رہی ہے اور ممکن ہے کہ یہ بم رواں ہفتے کیف پہنچا دیے جائیں گے۔

یہ بھی پڑھیں: یوکرین کو 275 ملین ڈالر کی نئی امریکی فوجی امداد

پولیٹیکو نے دو باخبر عہدیداروں کے حوالے سے لکھا کہ اس بات کو مدنظر رکھتے ہوئے کہ پینٹاگون نے ابھی زمینی کم قطر گائیڈڈ بم (GLSDB) کا حتمی تجربہ مکمل کیا ہے، واشنگٹن پہلی بار ان بموں کو کیف منتقل کرنے کی تیاری کر رہا ہے، ان بموں کی زیادہ سے زیادہ رینج 90 میل (145 کلومیٹر) ہے اور یہ یوکرینی فوج کی قابلیت میں نمایاں اضافہ کریں گے۔

ان میں سے ایک اہلکار نے مزید کہا کہ یہ گولہ بارود انہیں حملہ کرنے کی صلاحیت فراہم کرے گا جو ان کے پاس پہلے نہیں تھی اور یہ ان کے طویل فاصلے تک مار کرنے والے ہتھیاروں کی تکمیل کرے گا،دراصل یہ بم ان کے ہاتھ کھول دیں گے۔

امریکی فوج نے اس کھیپ کی منتقلی کا صحیح وقت بتانے سے انکار کر دیا تاہم پینٹاگون کے ترجمان پیٹ رائیڈر نے کہا کہ یہ بم اس ملک کو یوکرین کے لیے سکیورٹی امدادی پروگرام کے تحت مدت میں فراہم کیے جائیں گے۔

روئٹرز کے مطابق یہ بم، جو بوئنگ اور ساب سویڈن کی مشترکہ پیداوار ہیں، ابھی تک امریکی ہتھیاروں میں داخل نہیں ہوئے ہیں،کہا جاتا ہے کہ اس گولہ بارود کی رینج ہمارس میزائل سے دوگنا زیادہ ہے۔

ذرائع کے مطابق امریکہ نے اس بم کا آخری تجربہ 16 جنوری کو خلیج میکسیکو پر 6 میزائل داغنے کے بعد مکمل کیا ،امکان ظاہر کیا جا رہا ہے کہ یہ گولہ بارود آج شام تک یوکرین پہنچا دیا جائے گا۔

مزید پڑھیں: یوکرین کو 2.5 بلین ڈالر کی نئی امریکی فوجی امداد

ماسکو نے ہمیشہ سویلین انفراسٹرکچر پر حملوں کو دہشت گردی قرار دیا ہے اور مغرب سے کہا ہے کہ وہ یوکرین کو ہتھیاروں کی فراہمی بند کرے، روس کے مطابق اس کاروائی کا جنگ کے حتمی نتائج پر کوئی اثر نہیں پڑے گا بلکہ یہ صرف اسے طول دے گا۔