یوکرین میں ہماری حیاتیاتی تجربہ گاہیں پرامن مقاصد کے لیے ہیں:امریکہ

?️ 31 اگست 2022

سچ خبریں:امریکی محکمہ خارجہ نے دعویٰ کیا کہ یوکرین میں اس ملک کی حیاتیاتی تجربہ گاہیں پرامن استعمال کے لیے ہیں اور ان کا مقصد ہتھیار بنانا نہیں ہے۔

رشیا ٹوڈے کی رپورٹ کے مطابق روس کی جانب سے چند روز قبل اس اعلان کے بعد کہ اس کے پاس یوکرین میں حیاتیاتی ہتھیار بنانے کی امریکی کوششوں کے شواہد موجود ہیں، امریکی محکمہ خارجہ نے دعویٰ کیا ہے کہ ان تجربہ گاہوں کا استعمال پرامن ہے۔

رپورٹ کے مطابق امریکی محکمہ خارجہ اور یوکرین سمیت 8 دیگر ممالک کی جانب سے یہ حکمنامہ ایسی حالت میں جاری کیا گیا جب روس نے امریکہ پر دنیا کے متعدد ممالک میں حیاتیاتی ہتھیاروں کا پروگرام رکھنے کا الزام لگایا ہے، ان 9 ممالک کے بیان میں کہا گیا ہے کہ ہماری حکومتوں نے حیاتیاتی خطرات کو کم کرنے کے پروگرام میں شفاف اور کھلے عام ایک دوسرے کے ساتھ شراکت داری کی ہے۔

یہ پروگرام امریکی محکمہ دفاع کے تھریٹ ریڈکشن کوآپریشن پروگرام کا حصہ ہے، امریکہ، یوکرین، آرمینیا، جارجیا، عراق، اردن، سیرا لیون، یوگنڈا اور فلپائن کی جانب سے جاری کردہ بیان میں کہا گیا ہے کہ یہ شراکت داری صرف پرامن مقاصد کے لیے ہے اور ان کا ہتھیاروں کی تیاری سے کوئی تعلق نہیں ہے، ان 9 ممالک نے دعویٰ کیا ہے کہ ان کے حیاتیاتی پروگرام کا مقصد انسانوں اور جانوروں کی صحت کا تحفظ ہے، جس میں متعدی بیماریوں کے پھیلاؤ کی روک تھام، پتہ لگانا اور کنٹرول کرنا شامل ہے۔