یوکرین بحران کے عرب ممالک پر منفی اثرات:عرب لیگ

?️ 5 اپریل 2022

سچ خبریں:عرب لیگ کے سکریٹری جنرل نے پیر کی شب ایک تقریر میں کہا کہ یوکرین کے بحران کے بہت سے عرب ممالک پر بہت منفی اثرات مرتب ہوئے ہیںخاص طور پر اناج کی درآمدات کے شعبے میں۔
رشیا ٹوڈے کی رپورٹ کے مطابق عرب لیگ کے سکریٹری جنرل احمد ابو الغیط نے کہا کہ عرب ممالک روس سے بڑی مقدار میں گندم، اناج اور دالیں درآمد کرتے ہیں،انہوں نے ایندھن اور تیل کی بڑھتی ہوئی قیمتوں کی وجہ سے پیدا ہونے والے بحران کا ذکر کرتے ہوئے کہا کہ یوکرین کے بحران نے بہت سے عرب ممالک میں تمام ترقیاتی کوششوں کو متاثر کیا ہے۔

ابوالغیط نے مزید کہا کہ تیل کی قیمت 40 سے 60 ڈالر فی بیرل کے درمیان اپنے ترقیاتی منصوبے طے کرنے والے عرب ممالک اس وقت حیران رہ گئے جب قیمتیں 100 اور 150 ڈالر تک پہنچ گئیں،یونین کے سکریٹری جنرل نے یہ بھی کہا کہ بڑھتی ہوئی قیمتیں ان کے اقتصادی منصوبوں پر عمل درآمد کو متاثر کر رہی ہیں اور کئی عرب ممالک میں قیمتیں بڑھ رہی ہیں جس سے عرب شہریوں کی صحت متاثر ہو رہی ہے۔

یاد رہے کہ روس نے کہا ہے کہ یوکرین میں اس کی فوجی کارروائی جنگ کا آغاز نہیں بلکہ عالمی جنگ کو روکنے کی کوشش ہے۔