یمن کا امریکہ اور برطانیہ کو انتباہ

?️ 12 جنوری 2024

سچ خبریں:تحریک انصار اللہ کے ترجمان نے یہ بیان کرتے ہوئے کہ مقبوضہ فلسطین کی طرف جانے والے اسرائیلی بحری جہازوں پر یمن کا حملہ جاری رہے گا اور اس بات پر زور دیا کہ یمن کے خلاف امریکی اور برطانوی جارحیت کے جواب کا دائرہ کار جلد وسیع کیا جائے گا۔

یمن کی انصار اللہ تحریک کے ترجمان محمد عبدالسلام نے الجزیرہ ٹی وی چینل کو انٹرویو دیتے ہوئے کہا ہے کہ یمن کی مسلح افواج نے امریکہ اور برطانیہ کی جارحیت کا ابتدائی جواب دیا اور ہم جلد ہی اس جواب کا دائرہ وسیع کریں گے۔

عبدالسلام نے مزید کہا کہ ہم نے صیہونی حکومت کے علاوہ دنیا کے کسی ملک کو نشانہ نہیں بنایا، ہم غزہ کے خلاف جارحیت کے خاتمے تک اسرائیلی جہازوں اور مقبوضہ فلسطین جانے والے جہازوں پر حملے جاری رکھیں گے۔

انہوں نے واضح کیا کہ بحیرہ احمر میں کوئی اتحاد نہیں ہے اور واحد چیز جو موجود ہے وہ امریکہ اور انگلستان کی جارحیت ہے،ہم نے امریکی اتحاد میں موجود ممالک سے رابطہ کیا اور انہوں نے اس بات پر زور دیا کہ وہ یمن کے خلاف جارحیت میں شریک نہیں ہیں۔

عبدالسلام نے کہا کہ غزہ کی حمایت میں یمن کا مؤقف کارگر رہا ہے اور اس کی وجہ سے امریکہ نے ہمارے خلاف اتحاد قائم کیا۔

انصار اللہ تحریک کے ترجمان نے بھی کہا کہ امریکہ اور انگلستان کی جارحیت میں متعدد یمنی شہری شہید یا زخمی ہوئے اور ہم اعدادوشمار کو ریکارڈ کرنے کی کوشش کر رہے ہیں۔

آخر میں عبدالسلام نے تاکید کی کہ بحیرہ احمر کو عسکری بنانے والی جماعت اس کے نتائج کی ذمہ دار ہوگی اور بلا شبہ ہم امریکہ اور انگلستان کی جارحیت کا منہ توڑ جواب دیں گے۔