یمنی عوام کا غزہ کے لیے اسلامی ممالک سے مطالبہ

?️ 2 فروری 2024

سچ خبریں: غزہ کی حمایت میں مظاہرہ کرتے ہوئے یمن کے عوام نے عرب اور اسلامی ممالک سے کہا کہ وہ صیہونی حکومت پر اقتصادی پابندیاں عائد کرنے کے لیے اپنی حکومتوں پر دباؤ ڈالیں۔

المسیرہ نیوز ایجنسی کی رپورٹ کے مطابق یمن کے عوام نے اس ملک کے متعدد صوبوں میں ’’ہم فتح تک غزہ کے ساتھ ہیں‘‘ کے نعرے کے ساتھ فلسطین کی حمایت میں ایک عوامی مارچ کا انعقاد کیا۔

یہ بھی پڑھیں: بحیرہ احمر میں یمنیوں کی کاروائیاں کب تک جاری رہیں گی؟

یمنی مارچ کرنے والوں نے مسجد الاقصی اور فلسطین کی حمایت میں یمنی عوام کی سرگرمیوں اور جنگی تیاریوں کو جاری رکھنے پر زور دیا۔

انہوں نے جارحین کا مقابلہ کرنے اور فلسطین کی حمایت کے لیے یمنی مسلح افواج کی کاروائیوں کے ساتھ ساتھ فلسطین، لبنان اور عراق میں بہادرانہ جہادی کاروائیوں کا خیرمقدم کیا۔

یمنیوں نے اعلان کیا کہ ہم فلسطینی پناہ گزینوں کے لیے اقوام متحدہ کی ریلیف اینڈ ورکس ایجنسی (UNRWA) کی مالی امداد روکنے کے امریکہ اور یورپ کے موقف کی مذمت کرتے ہیں۔

انہوں نے بعض عرب ممالک اور صیہونی حکومت کے درمیان تجارتی تبادلے اور سامان کی منتقلی کو شرمناک قرار دیتے ہوئے عرب اور اسلامی ممالک کی عوام سے کہا کہ وہ اپنی حکومتوں پر دباؤ ڈالیں کہ وہ صیہونی حکومت کو سامان کی فراہمی بند کریں۔

مزید پڑھیں: یمنی میزائل کتنی دیر میں نشانے تک پہنچ جاتے ہیں؟ امریکی کمانڈر کی زبانی

واضح رہے کہ 3 ماہ قبل غزہ کی پٹی پر صیہونی حکومت کی جارحیت کے آغاز کے بعد سے یمن کے متعدد صوبوں میں ہر جمعہ کو فلسطینی عوام کی حمایت میں مارچ ہوتے ہیں۔