کیا نیتن یاہو یمنیوں کے سامنے ہتھیار ڈالیں گے ؟

?️ 25 جولائی 2024

سچ خبریں: صہیونی اخبار Ha’aretz نے اپنی ایک رپورٹ میں یمن اور صیہونی حکومت کے درمیان حالیہ کشیدگی کا تجزیہ کیا ہے۔

اس صہیونی اخبار نے بیان کیا ہے کہ غزہ جنگ کے دوسرے ہفتے میں یمنی فورسز نے 4 کروز میزائل اور متعدد ڈرونز اس وقت حیران کن انداز میں داغے جب ایک امریکی جنگی جہاز نے ان میزائلوں اور ڈرونوں کو بحیرہ احمر کے اوپر سے روک دیا۔

عبرانی اخبار Ha’aretz نے زور دے کر کہا کہ یہ پہلا موقع نہیں جب یمن نے مقبوضہ علاقوں پر حملہ کیا ہے۔ کیونکہ اپریل 2019 میں یمن کی مسلح افواج نے تل ابیب کی طرف 2 میزائل داغے تھے لیکن نیتن یاہو کا اس میزائل حملے کا ردعمل شام میں کچھ اہداف پر حملہ کرنا تھا۔

ہاریٹز نے اس رپورٹ میں لکھا ہے کہ مقبوضہ علاقوں پر یمن کے پہلے حملے پر نیتن یاہو کا ردعمل محتاط تھا، کیونکہ انہیں خوف تھا کہ انتقامی حملے کشیدگی میں اضافے اور ایران اور لبنان کی حزب اللہ کے ساتھ ہمہ گیر جنگ شروع کرنے کا باعث بنیں گے۔

اس صہیونی اخبار نے تاکید کی کہ یمنی مسلح افواج کے ایلات پر حملے نے ثابت کردیا کہ یمنی افواج حزب اللہ کی طرح صیہونی حکومت کی ڈیٹرنس پاور کہلانے والی طاقت سے خوفزدہ نہیں ہیں، وہ مقبوضہ علاقوں میں کسی بھی صیہونی بستی کو نشانہ بناسکتی ہیں اور اگر اسے نشانہ بنایا جائے۔

ہاریٹز نے کہا کہ نیتن یاہو کو ایک مشکل انتخاب کا سامنا ہے۔ یا تو اسے یمنی افواج کی درخواستوں کو تسلیم کرنا چاہیے، جس سے مختصر مدت میں جنگ کو روکا جا سکتا ہے، لیکن طویل مدت میں یہ صیہونی حکومت کے لیے زیادہ خطرے کا باعث بنے گا، یا وہ یمن پر حملہ کر کے خطرہ مول لے سکتا ہے۔