کیا صیہونی قابض ترکی کے لیے بھی خطرہ ہیں؟

?️ 16 مئی 2024

سچ خبریں: ترکی کے صدر نے اپنے بیان میں صیہونی حکومت کے ایسے خطرناک منصوبے کے بارے میں بتایا جس سے ترکی بھی متاثر ہوگا۔

رشیا ٹوڈے کی رپورٹ کے مطابق ترکی کے صدر رجب طیب اردگان نے صیہونیوں کے خفیہ منصوبے کا ذکر کرتے ہوئے کہا کہ وہ اناطولیہ (ترکی) پر قبضہ کرنے کے خطرناک منصوبے بنا رہے ہیں۔

یہ بھی پڑھیں: کیا ترکی اور صیہونی حکومت کے درمیان تعلقات ختم ہو گئے ہیں؟

اردگان نے بدھ کو حکمراں جماعت (جسٹس اینڈ ڈیولپمنٹ) کے اجلاس میں تقریر کرتے ہوئے کہا کہ یہ مت سوچیں کہ اسرائیل غزہ میں رک جائے گا اگر اس دہشت گرد کابینہ کو جلد یا بدیر نہ روکا گیا تو وہ اپنے وہموں پر بھروسہ کرتے ہوئے اناطولیہ کی سرزمین کی بھی لالچ کریں گے۔

انہوں نے مزید کہا کہ ہم حماس کے ساتھ رہیں گے جو اپنی سرزمین کی آزادی کے لیے لڑ رہی ہے،ساتھ ہی اردگان نے نشاندہی کی کہ حماس کے ساتھ کھڑے ہونے پر اس ملک کے اندر اور باہر سے انہیں تنقید کا نشانہ بنایا گیا ہے۔

ترکی کے صدر نے مزید کہا کہ انہیں معلوم ہونا چاہیے کہ یہ لوگ مظلوموں کے ساتھ کھڑے ہیں اور جو بھی ان کی سرزمین پر قبضہ کرنا چاہے گا اس کے خلاف کھڑے ہوں گے۔

مزید پڑھیں: ترکی کے تل ابیب کے ساتھ تجارتی تعلقات منقطع کرنے کی وجوہات

انہوں نے کہا کہ اگر ہمیں تنہا چھوڑ دیا جائے تب بھی ہم مظلوموں کے حقوق کا دفاع کرتے رہیں گے ، ہم فلسطینیوں، شامیوں، صومالیوں، سوڈانیوں اور دنیا میں ہر جگہ مظلوموں کی حمایت کرتے رہیں گے۔