کیا داعش طالبان کی بھی دشمن ہے؟

?️ 12 جولائی 2023

سچ خبریں: طالبان کی وزارت داخلہ نے حج سے واپسی کی تقریب کے دوران داعش کے طالبان پر حملہ کرنے کے ارادے کے بارے میں خبردار کیا۔

انڈیپنڈنٹ اخبار کی رپورٹ کے مطابق، طالبان کی وزارت داخلہ نے اس گروہ کے پولیس کمانڈروں کو خبردار کیا ہے کہ داعش دہشت گرد گروہ حج کی تقریب سے واپس آنے والے عہدیداروں اور کمانڈروں پر حملے کا منصوبہ بنا رہا ہے۔

انہوں نے کہا کہ یہ گروہ خودکش حملوں اور بم دھماکوں سے طالبان عہدیداروں کو قتل کرنے کا منصوبہ رکھتا ہے لہذا ان ممکنہ حملوں کو روکنا ضروری ہے۔

وزارت داخلہ کے بیان میں کہا گیا ہے کہ انٹیلی جنس معلومات کی بنیاد پر، داعش کئی صوبوں میں امارت اسلامیہ کے عہدیداروں، گورنروں، سربراہوں اور انتظامی اور فوجی اہلکاروں پر حملے کرنے کا ارادہ رکھتی ہے۔

یہ بھی پڑھیں: افغانستان میں داعش پر قابو پا لیا گیا ہے: طالبان وزیر خارجہ

بیان میں یہ بھی کہا گیا ہے کہ داعش ہماری تقریبات میں بھیڑ کا فائدہ اٹھاتے ہوئے اپنے حملے کرے گی،طالبان کی وزارت داخلہ نے اس گروپ کے تمام پولیس کمانڈروں سے کہا ہے کہ وہ داعش کے ممکنہ حملوں کو روکنے کے لیے سنجیدہ اقدامات کریں اور اپنی سرگرمیوں کی اطلاع دیں۔

قابل ذکر ہے کہ طالبان کے بعض حکام کے اس دعوے کے باوجود کہ افغانستان میں داعش کو مکمل طور پر تباہ کر دیا گیا ہے، یہ گروہ اب بھی افغانستان میں وقفے وقفے سے کاروائیاں کر رہا ہے۔

ایک ماہ قبل، داعش دہشت گرد گروہ نے شمالی افغانستان میں ایک مہلک دھماکے کی ذمہ داری قبول کی تھی، اس حوالے سے ایک افغان سکیورٹی ذریعے نے بتایا کہ داعش نے اس ملک کے شمال میں صوبہ بدخشاں کے نائب گورنر کی قرآن خوانی کے پروگرامکو نشانہ بنایا ہے۔

اس واقعے سے تین روز قبل، افغانستان کے صوبہ بدخشاں میں ایک خودکش بم دھماکے میں نائب گورنر اور طالبان کے سربراہ مولوی نذر احمدی ہلاک ہو گئے تھے،صوبہ بدخشاں کے صدر مقام فیض آباد میں ہونے والے اس حملے میں نائب گورنر ایک اور شخص کے ساتھ مارا گیا۔

بدخشاں کے مقامی عہدیداروں میں سے ایک معز الدین احمدی نے کہا کہ اس دھماکے میں چھ دیگر افراد بھی زخمی ہوئے، اور یہ واقعہ فیض آباد کے نئے شہر میں ایک موٹر سائیکل بم حملے کے نتیجے میں پیش آیا۔

مزید پڑھیں: افغانستان میں داعش کو بڑھانے کے لیے امریکی کوششوں کا ایک نیا دور

یاد رہے کہ طالبان کے ترجمان ذبیح اللہ مجاہد نے گزشتہ موسم گرما میں اپنے ٹوئٹر اکاؤنٹ پر افغانستان میں داعش دہشت گرد گروہ کی سرگرمیوں اور نقل و حرکت میں اضافے سے متعلق بعض خبروں کی اشاعت کو سختی سے مسترد کرتے ہوئے کہا کہ افغانستان میں داعش کے اضافے کا اندازہ غلط اور حقیقت سے بعید ہے۔