کابل دھماکے میں شہید اور زخمی ہونے والوں کی تعداد 50

?️ 7 اگست 2022

سچ خبریں:افغانستان کے دار الحکومت کابل کے مغرب میں واقع علاقے سرکاریز میں کل شام ہونے والے داعش کے دہشت گردانہ دھماکے میں شہید اور زخمی ہونے والوں کی تعداد 50 تک پہنچ گئی ہے۔
کل شام کو کابل کے مغرب میں سرکاریز کے علاقے میں واقع امام محمد باقر مسجد کے قریب ہونے والے دہشت گردانہ دھماکے کے نتیجے میں، بہت سے حسینی عزادار شہید یا زخمی ہوئے، کابل میں طالبان کی سکیورٹی کمانڈ کے ترجمان خالد زدران نے کہا کہ ایک پہیے میں رکھے گئے دھماکہ خیز مواد نے شہریوں کو نشانہ بنایا۔

واضح رہے کہ کابل پولیس نے اس دہشت گردانہ دھماکے میں شہداء اور زخمیوں کی ابتدائی تعداد 8 شہید اور 18 زخمی بتائی تھی، تاہم خبری ذرائع نے چند گھنٹے بعد ان تعداد میں اضافے کی اطلاع دی، یاد رہے کہ سرکاریز کے علاقے میں ہونے والے اس دہشت گردانہ دھماکے کی ذمہ داری داعش دہشت گرد گروہ نے قبول کی ہے۔

روئٹرز خبر رساں ادارے کے مطابق داعش نے ایک بیان میں اعلان کیا ہے کہ کابل کے مغرب میں ہونے والے اس حملے میں 20 افراد ہلاک اور زخمی ہوئے جبکہ طالبان کی عبوری حکومت کے سیکورٹی حکام نے اعلان کیا ہے کہ انہوں نے کابل اور مزار شریف میں حسینی عزاداروں پر دو دہشت گردانہ حملوں کو روک دیا ہے۔