چین کہاں کہاں امریکہ کے لیے خطرہ ہے؟

🗓️ 2 جولائی 2023

سابق امریکی صدر کا دعویٰ ہے کہ کیوبا میں چینی فوجی اڈوں کی تعمیر اور امریکہ کے ساحل سے 90 میل دور اس کی افواج کی موجودگی واشنگٹن کے لیے سب سے بڑا خطرہ ہے۔

امریکہ کے سابق صدر اور 2024 کے انتخابات کے لیے ریپبلکن پارٹی کے اہم امیدواروں میں سے ایک ڈونلڈ ٹرمپ نے دعویٰ کیا ہے کہ کیوبا میں چینی فوجی دستوں کی موجودگی امریکہ کے لیے سب سے بڑا خطرہ ہے۔

انہوں نے فلاڈیلفیا میں اپنے حامیوں سے کہا کہ انہوں نے (چینی) کیوبا میں ایک فوجی اڈہ بنایا ہے، وہ کیوبا میں فوجی آپریشن کر رہے ہیں جو ہمارے ساحلوں سے 90 میل ہے، یہ سب سے بڑا خطرہ ہے جس کا میں تصور کر سکتا ہوں۔

یہ بھی پڑھیں: امریکہ اور چین دنیا کے لیے سب سے بڑا خطرہ ہیں:ہنری کسنجر

انہوں نے کہا کہ ہمارا میڈیا اس خطرے کو چھپا رہا ہے کیونکہ جو بائیڈن کی انتظامیہ اس حوالے سے بہت کمزور ہے۔ ٹرمپ نے گزشتہ ہفتے یہ دھمکی بھی دی تھی کہ اگر وہ 2024 کے صدارتی انتخابات جیت گئے تو چینی حکومت کو کیوبا سے اپنی تمام فوجی تنصیبات ہٹانے کے لیے دو دن کا وقت دیں گے، بصورت دیگر وہ سینکڑوں ارب ڈالر مالیت کی چینی اشیاء پر بھاری ٹیکس عائد کر دیں گے۔

یاد رہے کہ گزشتہ ہفتے امریکی اخبار وال اسٹریٹ جرنل نے اس ملک کے انٹیلی جنس اور سیکیورٹی حکام کا حوالہ دیتے ہوئے دعویٰ کیا تھا کہ چین اور کیوبا کے درمیان مشترکہ فوجی اڈے کی ممکنہ تعمیر سے چینی فوجی دستے امریکی سرزمین کے قریب پہنچ رہے ہیں۔

مزید پڑھیں: امریکہ دنیا میں سب سے بڑا جوہری خطرہ ہے:چین

ان حکام کے مطابق وہ چین اور کیوبا کے مشترکہ فوجی اڈے کی تعمیر پر بات چیت کر رہے ہیں جس میں پیشرفت تو بہت ہوئی ہے لیکن ابھی تک حتمی نتیجہ نہیں نکلا ہے۔