دنیا

وینزویلا کے وزیر داخلہ کا اپوزیشن سے خطاب

08
جنوری

?️ 8 جنوری 2026

سچ خبریں: وزیر داخلہ دیوسدادو کیبیلو نے طنزیہ لہجے میں ملکی مخالف رہنما ماریا ماچادو کو مخاطب کرتے ہوئے کہا کہ بادشاہ نے تمہیں چھوڑ دیا ہے۔

ونزویلا کے وزیر داخلہ کا یہ طنز امریکی صدر ڈونلڈ ٹرمپ کے حالیہ بیانات کی طرف اشارہ ہے، جن میں انہوں نے ماچادو کو کاراکاس میں اقتدار حاصل کرنے کے لیے ضروری قانونی حیثیت سے محروم قرار دیا تھا۔

کیبیلو نے سابق ونزویلین رہنما ہیوگو چاویز اور ماچادو کے درمیان ایک ملاقات کا حوالہ دیتے ہوئے کہا کہ چاویز نے ہسپانوی میں ماچادو سے کہا تھا کہ وہ اس کھیل سے باہر ہیں، لیکن انہوں نے سمجھا نہیں۔

انہوں نے ٹرمپ کے ماچادو کی قانونی حیثیت سے متعلق بیانات کا ذکر کرتے ہوئے کہا کہ اب ان کے آقاؤں نے انہیں ان کی سمجھ میں آنے والی زبان میں بتا دیا ہے کہ انہیں دعوت نامہ نہیں ملا۔

ونزویلا کے وزیر داخلہ نے ماچادو اور دیگر مغرب نواز قوتوں کو مسترد کرتے ہوئے کہا کہ ہم عبوری صدر ڈیلسی روڈریگز کی مکمل حمایت کا اعلان کرتے ہیں۔

امریکہ نے 3 جنوری کو ونزویلا پر حملے کے بعد صدر نکولس مادورو کو اغوا کیا تھا۔ وائٹ ہاؤس نے مادورو کے جانشین کے ساتھ مل کر اس لاطینی امریکی ملک میں اقتدار کی منتقلی کے لیے تعاون کا اعلان کیا ہے۔

عبوری صدر روڈری نے امریکہ کے خلاف مزاحمت پر زور دیتے ہوئے ملک کے قانونی صدر کی امریکی قید سے رہائی کا مطالبہ کیا ہے۔

Short Link

Copied