وینزویلا کے صدر کا یورپی رہنماؤں اور دنیا بھر کے عیسائیوں سے اہم سوال

?️ 7 اگست 2023

سچ خبریں: وینزویلا کے صدر نے قرآن پاک کو نذر آتش کرنے کے حوالے سے یورپی ممالک کے رہنماؤں کی خاموشی پر افسوس کا اظہار کیا۔

المیادین چینل کی رپورٹ کے مطابق وینزویلا کے صدر نکولس مادورو نے مسلمانوں کی مقدس کتاب کی توہین کے خلاف مغربی ممالک کی خاموشی پر افسوس کا اظہار کیا۔

رپورٹ کے مطابق کے مطابق مادورو نے کہا کہ مجھے قرآن پاک کو نذر آتش کرنے کے حوالے سے یورپی ممالک کے رہنماؤں کی گہری خاموشی پر افسوس ہے۔

یہ بھی پڑھیں: سویڈن اور ڈنمارک میں نہ رکنے والی قرآن پاک کی بے حرمتی

انہوں نے مزید کہا کہ میں اس جرم پر خاموش رہنے والوں کو بھی اس میں ملوث سمجھتا ہوں اور ان کی مذمت کیرتا ہوں جیسا کہ ہم اس معاملے میں یورپی ممالک کے سربراہان کی خاموشی کا مشاہدہ کر رہے ہیں۔

انہوں نے تاکید کرتے ہوئے کہا کہ میں دنیا کے عیسائیوں سے پوچھتا ہوں کہ اگر وہ سویڈن، ڈنمارک یا دیگر ممالک میں بائبل کو جلایا جائے تو ہمیں کیسا لگے گا؟

اس مسئلے کا ذکر کرتے ہوئے مادورو نے مزید کہا کہ ایک عیسائی ہونے کے ناطے میں اپنے آپ سے پوچھتا ہوں کہ اگر کوئی بائبل کو جلانے کی کوشش کرے تو ہم عیسائی کیسا محسوس کریں گے؟ ہمیں بہت غصہ آئے گا اور اگر کوئی کتاب کو جلا دے تو یہ بہت بڑی توہین ہو گی۔

انہوں نے کہا کہ میں اپنے دل کی گہرائیوں سے دنیا بھر کے مسلمانوں کے غصے کو سمجھتا ہوں جب وہ قرآن پاک کو جلاتے ہوئے دیکھتے ہیں۔

مسلمانوں کے خلاف نفرت پھیلانے کی مذمت کرتے ہوئے مادورو نے اس بات پر بھی زور دیا کہ مغربی ممالک میں انتہائی دائیں بازو اور نسل پرست گروہوں اور دھڑوں کی مذمت کی جاتی ہے جو قرآن پاک کی توہین کرتے ہیں۔

یاد رہے کہ ڈنمارک میں قرآن پاک کی مسلسل توہین پر مسلم ممالک کی جانب سے شدید ردعمل سامنے آیا اور کئی ممالک نے ڈنمارک کے سفیروں اور سفارتی مشنوں کے سربراہان کو طلب کیا۔

مزید پڑھیں: یورپ میں قرآن پاک کے توہین کا نہ رکنے والا سلسلہ،اس بار ڈنمارک میں

بغداد میں ڈنمارک کے سفارت کار عراق چھوڑ کر چکے گئے،ڈنمارک میں اسلامی جمہوریہ ایران کے سفارت خانے نے قرآن پاک کی مسلسل توہین کے بعد ایک بیان جاری کیا جس میں کہا گیا ہے کہ کوپن ہیگن میں اسلامی جمہوریہ ایران کا سفارت خانہ ڈنمارک میں قرآن کریم کی توہین کے مسلسل نفرت انگیز عمل کی شدید مذمت کرتا ہے۔