ویانا مذاکرات ختم

?️ 10 اگست 2022

سچ خبریں:پابندیوں کے خاتمے کے لیے ایران اور مغربی ممالک کے درمیان ویانا میں ہونے والے مذاکرات اپنے اختتام کو پہنچے
ایران کے خلاف عائد پابندیوں کو ختم کرنے کیلئے ویانا میں ہونے والے مذاکرات 4 روز تک چلے، اس موقع پر مختلف موضوعات پر گفتگو ہوئی اور اس میں کافی پیشرفت بھی ہوئی،دوسری جانب یورپی یونین کے اعلی عہدہ دار نے کہا ہے کہ معاہدے کے مسودے کے متن پر ویانا مذاکرات بروز پیر ختم ہو گئے۔

یورپی یونین کے اعلی عہدیدار نے ارنا کے نمائندے کے سوال کے جواب میں کہا کہ تمام وفود، ویانا سے اپنے اپنے دارالحکومت کو روانہ ہوجائیں گے،انہوں نے مزید کہا کہ معاہدے کے مسودے کے متن پر ویانا مذاکرات ختم ہوئے ہیں اور ہم نے ایک متن کا مسودہ تیار کیا ہے۔

یاد رہے کہ ایران کے جوہری پروگرام پر ایران اور عالمی طاقتوں کے درمیان معاہدہ 2015 میں ہوا تھا، تاہم 2018 میں امریکہ کے یک طرفہ طور پر اس معاہدے سے نکل جانے نیز اس کی ہٹ دھرمی اور اپنے وعدوں پر عمل نہ کرنے کے بعد ایران بھی معاہدے سے پیچھے ہٹ گیا اور اس نے کہا کہ امریکہ نے ایک بار پھر ثابت کر دیا ہے کہ وہ کسی بھی صورت میں قابل اعتماد نہیں ہے نیز اس نے وعدہ خلافی کی اپنے پرانے طریقۂ کار کو چھوڑا نہیں۔