نیتن یاہو کے بیٹے کی شادی کے لیے شاباک کی خصوصی سکیورٹی تدابیر

سچ خبریں:صیہونی سکیورٹی ادارے شاباک نے قابض وزیر اعظم نیتن یاہو کے بیٹے آونر کی شادی کے موقع پر ممکنہ راکٹ حملوں کے پیش نظر خصوصی حفاظتی اقدامات کیے ہیں،تقریب "مزرعہ رونیت” میں ہزاروں مہمانوں کی موجودگی میں منعقد ہوگی۔

نیتن یاہو میڈیا رپورٹس کے مطابق، مقبوضہ فلسطین میں سکیورٹی اداروں کو قابض وزیر اعظم بنیامین نیتن یاہو کے بیٹے آونر نیتن یاہو کی شادی کے موقع پر ممکنہ راکٹ حملوں کا شدید خدشہ لاحق ہے،جیسے جیسے اس پُرتعیش تقریب کا وقت قریب آ رہا ہے، اسرائیلی سکیورٹی اداروں کی تشویش اور حفاظتی اقدامات میں اضافہ ہوتا جا رہا ہے۔

یہ بھی پڑھیں:حزب اللہ کے میزائلوں سے نیتن یاہو کے بیٹے کی شادی ملتوی 

صیہونی چینل 13 نے انکشاف کیا ہے کہ آونر نیتن یاہو کی شادی کے مقام پر غیر معمولی سکیورٹی انتظامات کیے گئے ہیں تاکہ کسی بھی ممکنہ راکٹ حملے کا بروقت مقابلہ کیا جا سکے، شاباک نے اس باغ میں، جہاں شادی منعقد ہوگی، خصوصی پناہ گاہ بھی تیار کی ہے کیونکہ اس مقام پر پہلے سے کوئی محفوظ پناہ گاہ موجود نہیں تھی۔

مزید پڑھیں: نیتن یاہو کے بیٹے کی سالگرہ کا کیک کا نیا انداز

یہ شادی "مزرعہ رونیت” نامی ایک شاندار باغ میں منعقد ہوگی، جس میں ہزار سے زائد مہمانوں کی شرکت متوقع ہے۔ تقریب کی سکیورٹی کے لیے خصوصی انتظامات کیے گئے ہیں تاکہ وزیر اعظم کی فیملی اور دیگر اہم شخصیات کو ہر ممکن تحفظ فراہم کیا جا سکے۔