نئے میزائل کی رونمائی ایران کی قوت مدافعت کا حصہ ہے:صیہونی میڈیا

?️ 27 مئی 2023

سچ خبریں:صیہونی حکومت کے چینل 12 نے اپنی ایک رپورٹ میں کہا ہے کہ ایران نے تل ابیب کی دھمکیوں کا جواب دیتے ہوئے خرمشہر 4 بیلسٹک میزائل کی رونمائی کرکے ایک بار پھر اپنی قوت مدافعت کا مظاہرہ کیا ہے۔

ایران کی جانب سے "خرمشہر 4” بیلسٹک میزائل کی نقاب کشائی کے ردعمل میں صہیونی میڈیا نے متعدد رپورٹیں شائع کیں اور اس بات پر زور دیا کہ اس وقت اس نئے میزائل کی رونمائی اسرائیل اور اس کے خطرات کے خلاف ایران کے ڈیٹرنس پاور کا حصہ ہے۔

المیادین چینل کی ویب سائٹ کی رپورٹ کے مطابق صیہونی حکومت کے چینل 12 نے لکھا کہ ایران نے ایک نئے بیلسٹک میزائل کی نقاب کشائی کرکے یہ ظاہر کیا کہ پورا اسرائیل اس میزائل کی رینج میں ہے۔

صیہونی چینل نے لکھا کہ لیکن سوال یہ ہے کہ ایران اس وقت ایسی خبریں کیوں شائع کرتا ہے اور اس نقاب کشائی کا مقصد کیا ہے؟ صیہونی چینل 12 میں عرب مسائل کے تجزیہ کار اوہاد حمو نے اس سلسلے میں کہا کہ اسرائیل اور ایران کے درمیان ایک عرصے سے انتباہات اور دھمکیوں کا سلسلہ جاری ہے؛اس میزائل کی رونمائی کا اعلان تہران کی جانب سے تل ابیب کو دیے جانے والے انتباہات کا تسلسل ہے۔

ایرانی خیبر بیلسٹک میزائل کے بارے میں اپنی وضاحت میں حمو نے کہ اس کی رینج 2000 کلومیٹر ہے اور اس کے وار ہیڈ کا وزن ڈیڑھ ٹن دھماکہ خیز مواد ہے البتہ یہ ایران کا پہلا راکٹ نہیں جس کی رینج میں پورا اسرائیل ہو۔