موساد کے سربراہ کا قطر کا دورے کی وجہ کیا ہے ؟

سچ خبریں: اسرائیلی ٹی وی چینل 12 نے تصدیق کی ہے کہ قطر کے وزیر اعظم محمد بن عبدالرحمن نے واشنگٹن میں امریکی صدر ڈونلڈ ٹرمپ سے ملاقات کے بعد آج دوحہ میں موساد کے سربراہ ڈیوڈ بارنیا سے مذاکرات کئے۔

یہ ملاقات فلسطینی اور اسرائیلی قیدیوں کے تبادلے کے معاہدے کو آگے بڑھانے کے لیے مرکوز تھی۔ اس سے قبل، اسرائیلی صحافی باراک رویڈ نے دعویٰ کیا تھا کہ موساد کے سربراہ ڈیوڈ بارنیا نے دوحہ کا دورہ کرکے قطر کے وزیر اعظم سے اسیروں کے تبادلے کے معاملے پر بات چیت کی۔

یہ مذاکرات ایک ایسے وقت میں ہوئے ہیں جب حماس نے گزشتہ روز ایک بار پھر زور دے کر کہا تھا کہ اسرائیلی قیدیوں کے تبادلے میں کوئی پیشرفت غزہ پٹی میں جنگ بندی پر اسرائیل کے عہد سے مشروط ہوگی۔ تحریک حماس نے واضح کر دیا ہے کہ وہ کسی بھی ایسے معاہدے پر رضامند نہیں ہوگی جس میں صہیونی منصوبے کے تحت عارضی جنگ بندی کو اسیروں کے تبادلے کی شرط بنایا گیا ہو۔