موجودہ دور کی جنگ ارادوں کی جنگ ہے:ایرانی صدر

?️ 22 اگست 2022

سچ خبریں:اسلامی جمہوریہ ایران کے صدر کا کہنا ہے کہ آج کے دور کی جنگ ارادوں کی جنگ ہے اور ایرانی قوام نے یہ ارادہ کر چکی ہے کہ دشمن کو اپنے اوپر غالب نہیں آنے دے گی۔
اسلامی جمہوریہ ایران کے صدر سید ابراہیم رئیسی نے عالی یوم مسجد کے موقع پر عوامی اجتماع کے درمیان تقریر کرتے ہوئے عوام کی تمام مواقع پر اور مختلف میدانوں میں موجودگی کو اسلامی جمہوریہ کی طاقت کا اہم ترین عنصر قرار دیا اور کہا کہ ہمارے ملک کی طاقت عوام کے فرد فرد کے سہارے قائم ہے۔

انہوں نے کہا کہ ملک کا مستقبل روشن ہے، آج جنگ ارادوں کی جنگ ہے اور ایرانی قوم ارادہ کر چکی ہے کہ اپنے دشمنوں پر غالب آئے گی اور یقیناً اللہ تعالیٰ بھی ایرانی قوم کا مددگار ہوگا، رئیسی نے مزید کہا کہ ہم عوامی حکومت کی عزتمندانہ سوچ کی بدولت بعض ملکوں سے اپنے اچھے خاصے مطالبات منوا چکے ہیں جبکہ کسی بھی اجلاس اور مذاکرات میں اپنی قوم کے حقوق پر سمجھوتہ نہیں کریں گے نیز حکومت ملک کی ترقی اور مشکلات دور کرنے کے لئے اپنی کوششوں کو پوری قوت سے جاری رکھے گی۔

انہوں نے کہا کہ ہم عوام کی زندگی کو کسی بھی بیرونی عامل سے نہیں باندھیں گے اور مصمم انداز میں ملک اور عوام کی مشکلات دور کرنے کے لئے کام کرتے رہیں گے۔