ملک عبداللہ ائربیس کے کمانڈر پر کیا گذری

?️ 10 مارچ 2021

سچ خبریں:میڈیا رپورٹس کے مطابق سعودی عرب کے شاہ عبد اللہ ایئر بیس کے کمانڈر کی مشکوک موت کی نشاندہی کی گئی ہے۔
یمن نیوز ایجنسی کی رپورٹ کے مطابق سعودی میڈیا رپورٹس میں سعودی عرب کے کنگ عبد اللہ ایئر بیس کے کمانڈر علی ظفر الشہری کی ہلاکت کی نشاندہی کی گئی ہے،تاہم ان کی موت کی وجہ اب بھی اسرار میں ڈوبی ہوئی ہے، کچھ لوگوں کا قیاس آرائی ہے کہ ان کی موت سعودی فوجی مراکز پر یمنی مزاحمتی دستوں کے حالیہ حملوں کے نتیجے میں ہوئی ہے۔

کچھ اطلاعات میں دعویٰ کیا گیا ہے کہ ان کی موت پہاڑ پر چڑھنے کے دوران اونچائی سے گرنے سے ہوئی جبکہ ان کے لواحقین نے ان الزامات کی تردید کرتے ہوئے کہا ہے کہ الشہری کا انتقال جدہ کے ایک اسپتال میں ہوا،تاہم الشہری کی موت کی وجہ کے بارے میں مزید تفصیلات جاری نہیں کی گئیں۔

واضح رہے کہ یمنی ڈرون اور میزائل یونٹ نے حال ہی میں سعودی حدود میں اس ملک کے فوجی اہداف پر بڑے پیمانے پر حملے کیے ہیں جس میں سعودی عرب کی سب سے بڑی تیل کمپنی آرامکو پر حملے بھی شامل ہیں جس کے بعد یمنی فوج کا کہنا ہے کہ جب تک سعودی جارحیت پسند کی جانب سے یمن کا محاصرہ جاری رہے ہمارے حملے اسی طرح جاری رہیں بلکہ اس سے بھی وسیع پیمانہ پر ہوں گے، جس سے سعودی حکام سخت تشویش میں مبتلا ہیں اور ترکی کو بھی اس جنگ میں دھیکلنے کی کوشش کررہے ہیں۔