سچ خبریں:اسرائیلی فورسز نے مقبوضہ علاقوں میں اپنی معاندانہ کاروائیاں جاری رکھتے ہوئے آج صبح مغربی کنارے پر حملہ کیا اور 11 فلسطینیوں کو گرفتار کرلیا۔
فلسطین ٹوڈے کی رپورٹ کے مطابق صہیونی ملیشیا مقبوضہ علاقوں میں فلسطینیوں کے خلاف اپنی معاندانہ کاروائیاں جاری رکھے ہوئے ہے، صہیونی عسکریت پسندوں نے مغربی کنارے کے کچھ حصوں میں بڑے پیمانے پر حملے شروع کردیئے ہیں، رپورٹ کے مطابق صیہونی عسکریت پسندوں کے فلسطینیوں پر بڑے پیمانے پر حملے کے بعد مغربی کنارے میں ایک شدید تصادم ہوا۔
صہیونی عسکریت پسندوں نے تنازعہ کے دوران 11 فلسطینیوں کو حراست میں لیا،فلسطینی قیدیوں سے متعلق تحقیقاتی کمیٹی نے حال ہی میں مقبوضہ علاقوں میں فلسطینی شہریوں کے خلاف صیہونی حکومت کے جابرانہ اقدامات کے بارے میں ایک بیان جاری کیا، اس سلسلے میں فلسطینی قیدیوں کی نگراں تحقیقاتی کمیٹی نے اس بات پر زور دیا کہ صہیونی حکومت کی فورسز نے جنوری میں مقبوضہ علاقوں میں 456 فلسطینی شہریوں کو حراست میں لیا، کمیٹی نے یہ بھی اعلان کیا کہ صہیونیوں نے جنوری میں فلسطینیوں کے خلاف 105 عارضی نظربندی کے احکامات جاری کیے ۔
واضح رہے کہ ایک طرح صیہونی فوجی درندے نہتے فلسطینیوں پر ظم کے پہاڑ توڑ رہے ہیں ، صیہونی حکومت اپنے توسیع پسندانہ منصوبوں کو عملی جامہ پہناتے ہوئے فلسطینیوں کو زمینوں پر قبضہ کر رہے ہیں، ان کے مکانوں کو مسمار کررہے ہیں یا انھیں فوجی چھاؤنیوں میں بدل رہے ہیں،ان کی فصلوں کو تباہ کررہے ہیں یہاں تک کہ فلسطینیوں کو ان کے اپنے کھیتوں میں کام کرنے سے روک رہے ہیں اور دوسری طرف کچھ شیخ نشین عرب ریاستوں کے حکمراں اس غیر قانونی ریاست کو گلے لگانے کے لیے ایک دوسرے سے آگے بڑھنے کی کوششوں میں مصروف ہیں جس میں سعودی عرب ، متحدہ عرب امارات اور بحرین پیش پیش ہیں، متحدہ عرب امارات نے تو اپنے ملک کو صیہونیوں کی تفریخ گاہ بنا دیا ہے جہاں آکر وہ جو چاہیں کر سکتے ہیں۔
