مغربی ممالک کی اسلام دشمنی صیہونی دوستی

?️ 8 جولائی 2023

سچ خبریں: یمن کی تحریک انصار اللہ کے سربراہ نے اپنے ایک خطاب میں سویڈن میں قرآن پاک کو نذر آتش کرنے اور فلسطین میں صیہونیوں کے جرائم کے حوالے سے مسلم دنیا کی عدم توجہی پر تنقید کی۔

المسیرہ چینل کی رپورٹ کے مطابق یمن کی تحریک انصاراللہ کے سربراہ عبدالمالک بدر الدین الحوثی نے سویڈن میں قرآن مجید کی بے حرمتی پر ردعمل ظاہر کرتے ہوئے اس ملک میں متعدد بار قرآن پاک کو نذر آتش کرنے کو ایک منظم اور منصوبہ بند اقدام قرار دیا۔

یہ بھی پڑھیں: سویڈن میں اسلامو فوبیا کی صنعت

الحوثی نے کہا کہ اس کارروائی کے پیچھے صیہونی لابی موجود ہے کہ مغرب میں وہ خدا، انبیاء اور آسمانی کتابوں کی توہین کی اجازت دیتے ہیں لیکن وہ صہیونی جرائم کے برملا ہونے کو روکتے ہیں،اس سے مغرب میں صہیونی لابی کا اثر ظاہر ہوتا ہے۔

یمن کی انصار اللہ کے سربراہ نے عالم اسلام کے رد عمل کی سطح کو ذمہ دارانہ نہیں سمجھتے ہوئے مزید کہا کہ قرآن مجید کو جلانے کے جرم پر تمام مسلمانوں کو سامنے آنا چاہئے تھا۔

انہوں نے کہا کہ اس جرم کے حوالے سے سب سے معمولی موقف سویڈن کے ساتھ سفارتی تعلقات منقطع کرنا اوراس ملک کے خلاف اقتصادی پابندیاں عائد کرنا ہے۔

مزید پڑھیں:آزادی بیان کا دعویٰ کرنے والے ممالک میں قرآن پاک کی سلسلہ وار توہین

الحوثی نے مزید کہا کہ اگر سویڈن کے ساتھ سفارتی تعلقات منقطع کیے جاتے ہیں اور اسلامی ممالک کی جانب سے اس ملک پر اقتصادی پابندیاں عائد کی جاتی ہیں تو سویڈن متاثر ہوگا اور یہ اقدام دوسرے ممالک کے لیے بھی سبق آموز ہوگا۔

انہوں نے قرآن پاک کی بے حرمتی پر مسلمانوں کے ردعمل کے بارے میں کہا کہ اسلامی اقوام سوشل میڈیا، مظاہرے اور اقتصادی پابندیوں کے ذریعے اپنے غصے کا اظہار کر سکتی ہیں۔