مشرقی یورپ کے بچوں پر یوکرین جنگ کا اثر

?️ 18 اکتوبر 2022

سچ خبریںاقوام متحدہ کی بچوں سے متعلق ایجنسی یونیسف کا کہنا ہے کہنا ہے یوکرین جنگ کی وجہ سے پیدا ہونے والی معاشی بدحالی نے مشرقی یورپ اور وسطی ایشیا 40 لاکچھ بچوں کو غریبی کی سطح سے نیچے پہنچا دیا ہے۔

بچوں سے متعلق اقوام متحدہ کی زیلی ایجنسی یونیسیف کی 22 ممالک کے اعداد و شمار پر مبنی رپورٹ میں کہا گیا ہے کہ روس اور یوکرین کے درمیان جنگ اور بڑھتی ہوئی مہنگائی نے مشرقی یورپ اور وسطی ایشیائی ممالک میں 40 لاکھ بچوں کو غربت میں دھکیل دیا ہے جو 2021 کے مقابلے میں 19 فیصد اضافہ ہے،رپورٹ کے مطابق خطے میں جنگ اور حملوں سے متاثر ہونے والے بچوں کی سب سے زیادہ تعداد یوکرین اور روس میں ہے۔

یونیسیف کے مطابق یوکرین میں جنگ کی وجہ سے روس میں متاثرہ بچوں کی تعداد تین چوتھائی تک پہنچ گئی جہاں 28 لاکھ بچے غربت کی لکیر سے نیچے زندگی بسر کر رہے ہیں، رپورٹ میں بتایا گیا کہ یوکرین دوسرے نمبر پر ہے جہاں 5 لاکھ بچے غربت کی زندگی گزار رہے ہیں، اسی طرح رومانیہ میں بھی 1 لاکھ 10 ہزار بچے غربت کا شکار ہیں۔

رپورٹ میں خبردار کرتے ہوئے یونیسف نے مزید کہا کہ معاشی بحران میں اگر اسی طرح اضافہ ہوتا رہا تو اس خطے کے 4 ہزار 500 بچوں کی پہلی سالگرہ سے قبل ہی اموات کا خدشہ ہے۔