مسلسل حملوں کے باوجود فلسطینی پناہ گزینوں کی اپنے تباہ شدہ گھروں میں واپسی

?️ 15 اپریل 2024

سچ خبریں: غزہ کی پٹی کے خلاف صیہونی حکومت کے زمینی اور فضائی حملوں میں اضافے کے باوجود کچھ فلسطینی پناہ گزین اس پٹی کے شمال میں اپنے گھروں کو لوٹ گئے۔

فلسطین ٹوڈے چینل نے رپورٹ دی ہے کہ شمالی غزہ کی پٹی میں صہیونی فوج کے سخت اقدامات کے باوجود اس علاقے میں اپنے گھر بار چھوڑنے والے بعض فلسطینی گزشتہ روز اپنے گھروں کو واپس لوٹ گئے۔

یہ بھی پڑھیں: صیہونی غزہ کے ساتھ کیا کرنا چاہتے ہیں؟صیہونی اخبار کی زبانی

انہوں نے تاکید کی کہ ہم اتنے خوش ہیں گویا عید کا دن ہے، ہم تھک چکے ہیں اور ہم اپنے گھر اور اپنے رشتہ داروں کو دیکھنا چاہتے ہیں۔

ادھر پوری غزہ کی پٹی اور اس پٹی کے شمال میں صیہونی حکومت کے وحشیانہ حملے جاری ہیں۔

گزشتہ روز خبری ذرائع نے اطلاع دی تھی کہ صہیونی افواج نے غزہ کے جنوب سے شمال کی جانب پناہ گزینوں کی واپسی کے راستے میں بھی جارحیت کی، اپنے تازہ ترین جرم میں صیہونی غاصبوں نے ان پناہ گزینوں پر گولیاں برسائیں جو غزہ کے جنوب سے شمال کی طرف بڑھ رہے تھے۔

مزید پڑھیں: غزہ جنگ میں امریکہ نے اب تک صیہونی حکومت کی کتنی مالی امداد اور اسلحہ جاتی امداد کی ہے؟

اسی دوران فلسطینی ذرائع نے اعلان کیا کہ بعض فلسطینی غزہ شہر کی الرشید اسٹریٹ پر النابلسی اسکوائر کے قریب جمع ہوئے اور ان میں سے بعض نے جنوب سے شمال کی طرف لوٹنے کی خبر کے بعد اپنے اہل خانہ سے ملنے کی امید ظاہر کی۔