ماسکو نے کہا جنگ بندی کے لئے یوکرین کا مشرقی علاقہ روس کے سپرد کیا جائے

ماسکو

?️

ماسکو نے کہا جنگ بندی کے لئے یوکرین کا مشرقی علاقہ روس کے سپرد کیا جائے

خبر رساں ادارے روئٹرز کے مطابق دو باخبر ذرائع نے انکشاف کیا ہے کہ روسی صدر ولادیمیر پوتین نے حالیہ آلاسکا اجلاس میں امریکی صدر ڈونلڈ ٹرمپ کو بتایا کہ اگر یوکرین مشرقی خطے، جو اب تک مکمل طور پر روس کے قبضے میں نہیں آیا، ماسکو کے حوالے کرے تو روس بدلے میں چند چھوٹے حصوں سے اپنی افواج واپس بلا لے گا۔ان ذرائع کا کہنا ہے کہ یہ معلومات زیادہ تر یورپی، امریکی اور یوکرینی رہنماؤں کے درمیان ہونے والی بات چیت پر مبنی ہیں، تاہم امکان ہے کہ یہ تصویر مکمل نہ ہو۔
اگرچہ آلاسکا ملاقات میں فوری جنگ بندی ممکن نہ ہو سکی، لیکن صدر ٹرمپ نے ایک امریکی نشریاتی ادارے سے گفتگو میں کہا کہ وہ اور پوتین زمین کی حوالگی اور یوکرین کے لیے سلامتی کی ضمانتوں پر "کافی حد تک” قریب پہنچ گئے ہیں۔ ٹرمپ کے بقول، "معاہدہ تقریباً تیار ہے، مگر یہ یوکرین پر ہے کہ وہ اسے قبول کرے یا رد کرے۔
دوسری جانب، یوکرینی صدر ولودیمیر زلنسکی پیر کے روز چھ ماہ بعد دوبارہ وائٹ ہاؤس میں صدر ٹرمپ سے ملاقات کر رہے ہیں تاکہ ماسکو کی شرائط اور امن کے امکانات پر براہِ راست بات کر سکیں۔
زلنسکی نے ایک پیغام میں کہا کہ ہم سب چاہتے ہیں کہ جنگ جلد از جلد ختم ہو، مگر ایسا امن درکار ہے جو مستقل ہو، نہ کہ ماضی کی طرح جس میں کریمیا اور ڈونباس روس کے ہاتھ چلے گئے اور پھر حملوں کا نیا راستہ بنے۔ان کا مزید کہنا تھا کہ یوکرین کو ایسی سیکورٹی ضمانتیں چاہیے جو نیٹو کے آرٹیکل 5 کی طرح مؤثر ہوں، اور یورپی یونین میں شمولیت بھی انہی ضمانتوں کا حصہ ہے۔
یہ پیش رفت اس وقت ہوئی جب آلاسکا میں ہونے والی ملاقات ٹرمپ کی دوسری مدتِ صدارت کے بعد روسی صدر کے ساتھ ان کی پہلی براہِ راست گفتگو تھی۔ دونوں رہنما اس سے قبل متعدد بار ٹیلی فون پر رابطے کر چکے ہیں اور سعودی عرب و ترکی میں مذاکراتی عمل بھی جاری رہا ہے۔ادھر یورپی یونین کے 27 ممالک کے سفیروں نے بروکسل میں ہنگامی اجلاس طلب کیا تاکہ آلاسکا اجلاس کے اثرات پر غور کیا جا سکے۔

مشہور خبریں۔

مشہور روسی مفکر کا عالم اسلام کے نام پیغام

?️ 22 اکتوبر 2023سچ خبریں: مشہور روسی مفکر اپنے ایک پیغام میں نے اسرائیل کے

اپنے انتہائی مخلص، بااعتماد اور بھائی عرفان صدیقی کی وفات پر بڑا دکھ ہوا۔ نوازشریف

?️ 10 نومبر 2025لاہور (سچ خبریں) پاکستان مسلم لیگ ن کے صدر محمد نوازشریف نے

بچوں کے ساتھ بدسلوکی کی فرانسیسی کیتھولک چرچ کی تاریخ / پچھلے 70 سالوں میں ہر 2 گھنٹے میں بچوں سے زیادتی

?️ 14 اکتوبر 2021سچ خبریں: مشرقی دنیا کی خدمت – فرانس میں ایک حالیہ رپورٹ

ایران کے معاملے میں ٹرمپ انتظامیہ کی حکمت عملی غلط

?️ 20 اکتوبر 2026سچ خبریں: فارن افرز کی رپورٹ کے مطابق ٹرمپ انتظامیہ کا ایران

اسرائیلی حملے میں نابلس کے مشرق میں 2 فلسطینی شہید

?️ 10 مئی 2025سچ خبریں: فلسطینی خبر ایجنسی "معا” کے مطابق، شمالی ویسٹ بینک کے شہر

سعودی اتحاد کی 185 مرتبہ الحدیدہ جنگ بندی کی خلاف ورزی

?️ 13 اکتوبر 2021سچ خبریں:تازہ ترین اطلاعات کے مطابق سعودی اتحاد کےجنگی طیاروں نے گزشتہ

ٹرمپ کا ایران کے معاملے پر وائٹ ہاؤس میں دوہرے پن کا اعتراف

?️ 30 مارچ 2026سچ خبریں: امریکی صدر نے چند گھنٹے قبل ایران کے خلاف نقطہ

عبرانی ذرائع: اسرائیل لبنان میں ممکنہ جنگ بندی کے قیام کے لیے تیار

?️ 15 اپریل 2026سچ خبریں: صیہونی حکومت کی فوج کے لبنان میں ممکنہ جنگ بندی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے