لبنانیوں پر نازل ہونے والی مصیبتیں

?️ 15 دسمبر 2021

سچ خبریں:لبنانیوں کو آج اندرونی، علاقائی اور بین الاقوامی بحرانوں کا سامنا ہے جو لبنانی قوم کی معیشت اور معاش کو نشانہ بنا رہے ہیں۔
العالم نیوز چینل کی رپورٹ کے مطابق لبنان ان دنوں علاقائی بحرانوں سے نبرد آزما ہےجن میں اقتصادی، سیاسی اور میڈیا ناکہ بندی بھی شامل ہے، جو رجعت پسند عرب حکومتوں کے مخالفانہ مؤقف کے نتیجے میں اس ملک پر مسلط کی گئی ہیں، جواپنی دشمنانہ پالیسیاں اپناتے ہوئے لبنان کے اندرونی معاملات میں مداخلت کرتے ہیں اور اس ملک میں ایک موثر حکومت تشکیل نہیں ہونے دے رہے نیزیہ وجوہات لبنان میں دو وزراء کے استعفیٰ کا باعث بھی بنے ہیں۔

قابل ذکرہے کہ ان سب کے علاوہ لبنان کو بین الاقوامی میدان میں بھی بحرانوں کا سامنا کرنا پڑ رہا ہے مثال کے طور پر امریکہ اور مغربی ممالک اس فتنہ کے ذریعے صیہونی حکومت کے مفادات کو محفوظ بنانے کے لیے لبنانیوں کو ایک دوسرے کے خلاف بھڑکا رہے ہیں جبکہ لبنان کے اندر، کچھ شخصیات اس ملک کی اہم تنصیبات اور وسائل کو یرغمال بنا رہی ہیں، عوامی املاک کو چوری کر رہی ہیں، بحران پیدا کر رہی ہیں اور قانون ساز اداروں کو بند کر رہی ہیں۔

ان سب بحرانوں کے مقابلہ میں جن میں خشک و تر ایک ساتھ جلتے ہیں، جیسے جیسے پارلیمانی انتخابات کا وقت قریب آرہا ہے، تمام علاقائی، بین الاقوامی اور ملکی عوامل لبنانی حکومت اور عوام پر اپنی مرضی مسلط کرنے کی کوشش کر رہے ہیں۔