قسد کے جنگجوؤں کو شام کی سرکاری فوج میں شامل کیا جائے

?️ 28 نومبر 2025

قسد کے جنگجوؤں کو شام کی سرکاری فوج میں شامل کیا جائے

کردستان ورکرز پارٹی (پی کے کے) کے رہنما عبداللہ اوجالان نے کہا ہے کہ شام کی فورسز اور شامی ڈیموکریٹک فورسز (قسد) کے درمیان 10 مارچ کو ہونے والے معاہدے پر مکمل طور پر عمل ہونا چاہیے اور قسد کے جنگجوؤں کو شام کی سرکاری فوج میں شامل کیا جانا ضروری ہے۔

عرب میڈیا کے مطابق اوجالان نے اپنے پیغام میں اس معاہدے کی حمایت کرتے ہوئے کہا کہ قسد کا فوج میں ادغام ایک اہم قدم ہے، تاہم کرد سکیورٹی ادارےآسایش کو ان علاقوں میں سکیورٹی کی ذمہ داری سنبھالنی چاہیے جہاں قسد کا اثر و رسوخ ہے۔

خیال رہے کہ 10 مارچ 2024 کو قسد کے کمانڈر مظلوم عبدی اور شام کی عبوری حکومت کے سربراہ احمد الشرع نے ایک معاہدے پر دستخط کیے تھے۔ اس معاہدے میں شہری اور عسکری اداروں کو قومی ڈھانچے میں ضم کرنے کی شقیں بھی شامل تھیں، لیکن اختلافات کے باعث یہ منصوبہ اب تک مکمل طور پر آگے نہیں بڑھ سکا ہے۔