فلسطینی پرچم لہرائے جانے سے صیہونیوں میں خوف و ہراس

?️ 19 دسمبر 2022

سچ خبریں:دوحہ میں 2022 کے عالمی کپ کے موقع پرمشرق وسطی سمیت دنیا کے مختلف ممالک کے لوگوں کے ہاتھوں فلسطینی پرچم کو بلند کیے جانے اور لہرائے جانے نے صیہونی حکومت کو اس حد تک خوفزدہ اور پریشان کر دیا ہے کہ انہوں نے ہفتے کے روز مقبوضہ علاقوں میں تین افراد کو فلسطینی پرچم بلند کرنے پر گرفتار کر لیا۔

فلسطینی نیوز سائٹ عرب 48 کی رپورٹ کے مطابق مقبوضہ علاقوں سے شائع ہونے والے صیہونی اخبار یدیعوت احرونٹ نے لکھا ہے کہ صیہونی پولیس نے حیفا کے برقان قصبہ میں ہونے والے مظاہرے میں فلسطینی پرچم لہرانے پر 67 سالہ اور 20 سالہ حیفا شہر کے دو رہائشیوں اور ایک 31 سالہ اسرائیلی کو گرفتار کر لیا ۔

اس رپورٹ کے مطابق اسرائیلی پولیس نے مظاہرین سے کہا کہ فلسطینی پرچم لہرانے سے عوامی سلامتی اور امن کو نقصان پہنچ سکتا ہے، صیہونی پولیس نے ان تینوں مظاہرین کو فلسطینی پرچم نیچے کرنے کو بھی کہا لیکن ان کے انکار کے بعد ان افراد کو گرفتار کر کے پوچھ گچھ کے لیے پولیس سینٹر لے جایا گیا۔

واضح رہے کہ صیہونی حکومت مقبوضہ علاقوں میں فلسطینی پرچم بلند کرنے پر سخت خوف زدہ ہوتی ہے، گزشتہ جون میں اس حکومت کی کنیسٹ نے ایک قانون پاس کیا تھا جس کے تحت اسرائیل کے مالی تعاون سے چلنے والے اداروں میں دشمن کا جھنڈا بلند کرنے (فلسطینی) کو ممنوع قرار دیا گیا تھا اور فلسطینی پرچم کو ممنوعہ جھنڈوں کی فہرست میں شامل کیا گیا۔