فلسطینی اعلی کمانڈر کے خاندان کی تصویریں منظر عام پر؛صیہونی سخت پریشان

?️ 9 فروری 2022

سچ خبریں:حماس کی جانب سے فلسطین کی عزالدین قسام بٹالین کے سینئر کمانڈر محمد الضیف کے بچوں کی تعریفی تقریب کی تصاویر نے صہیونی میڈیا کی کافی توجہ حاصل کی ہے۔
صیہونی نیوز ایجنسی واللا نیوز نے حماس کی جانب سے ’’الضیف خاندان کی نئی نسل‘‘ کے عنوان منعقد ہونے والی تقریب کی تصاویر سے متعلق اپنی رپورٹ میں لکھا ہے کہ حماس کی فوج کے عزالدین القسام بریگیڈ کے کمانڈر انچیف محمد الضیف کے خاندان کے کچھ افراد کی تصویریں منظر عام پر آئی ہیں جس کے بعد غزہ کی پٹی میں ان کی موجودگی اور سرگرمیاں اسرائیلیوں کے لیے ایک بڑا معمہ بن چکی ہیں۔

عبرانی زبان کے میڈیا کے مطابق یہ پہلا موقع ہے کہ عزالدین القسام بریگیڈز کے کمانڈر انچیف کے بچے میڈیا کے سامنے آئے ہیں،واضح رہے کہ مقبوضہ فلسطین کے اندر اسرائیلی ڈیتھ اسکواڈز کو مطلوبہ نمبر ایک شخص محمد الضیف برسوں سے خفیہ زندگی گزار رہے ہیں یہاں تک کہ جنگ بندی کے دوران بھی بھی نظر نہیں آتے۔

صیہونی نیوز ایجنسی کا مزید کہنا ہے کہ ایک بے مثال اقدام اور پورے قرآن کے حافظوں کی تعریفی تقریب کے دوران محمد الضیف کے دو بچوں کو بھی اعزاز سے نوازا گیا جبکہ عبرانی زبان کے ذرائع ابلاغ کے مطابق الضیف کی اہلیہ اور دو بچے 2014 میں غزہ کی پٹی پر اسرائیلی حملے کے دوران صہیونی جنگجوؤں کے فضائی حملے میں مارے گئے تھے ،یادرہے کہ صیہونیوں نے حالیہ جنگ میں دو مرتبہ الضیف کوقتل کرنے کی کوشش کی لیکن ناکام رہے۔