غزہ کے لیے عالمی حمایت میں توسیع دیکھ کر صیہونیوں کی حالت غیر

?️ 29 اپریل 2024

سچ خبریں: دنیا بھر میں صیہونی مخالف مظاہروں کے پھیلنے کے ساتھ ہی صیہونی حکام نے دیگر ممالک میں اس حکومت کے سفارتی دفاتر پر حملے کے امکان سے خبردار کیا ہے۔

فلسطین الیوم چینل کی رپورٹ کے مطابق صیہونی حکومت کے ٹی وی چینل 12 نے رپورٹ دی ہے کہ اس حکومت کے وزیر خارجہ نے مختلف ممالک میں تل ابیب کے سفارت خانوں کے گرد حفاظتی اقدامات بڑھانے کا مطالبہ کیا ہے۔

اس رپورٹ میں کہا گیا ہے کہ صیہونی وزیر خارجہ کا یہ مطالبہ دنیا بھر میں فلسطینیوں کے ساتھ اظہار یکجہتی کے مظاہروں میں اضافے کی وجہ سے کیا گیا ہے۔

یہ بھی پڑھیں: صیہونی آباد کار نیتن یاہو کے کس دعوے پر ہنستے ہیں؟

اس سلسلے میں مراکش کے دارالحکومت رباط میں طبی عملے نے ایک ریلی نکالی اور صیہونی حکومت کے مسلسل حملوں کے خلاف غزہ کی پٹی کے مظلوم باشندوں اور اس علاقے کے طبی عملے کی حمایت کا اظہار کیا۔

اردن کے کارکنوں نے بھی منگل کے روز امان میں صیہونی غاصب حکومت کے سفارت خانے کے سامنے غزہ کی حمایت اور صیہونی فوج کی نسل کشی کی مذمت میں ہونے والے مظاہرے میں بڑے پیمانے پر شرکت کی اپیل کی ہے۔

یہ بھی اطلاعات ہیں کہ امریکہ کی پرانی یونیورسٹی ورمونٹ یونیورسٹی غزہ کی حمایت میں طلبہ کی تحریک میں شامل ہو گئی ہے، یہ ان قدیم ترین امریکی یونیورسٹیوں میں سے ایک ہے جو غزہ کی حمایت میں طلبہ کی تحریک میں شامل ہوئی ہے۔

بتایا گیا ہے کہ اس یونیورسٹی میں احتجاجی مظاہروں کا آغاز گزشتہ روز خیمے لگانے سے ہوا جہاں طلباء مرکزی کیمپس میں بیٹھ کر فلسطینی عوام کی حمایت کا اعلان کر رہے تھے۔

مزید پڑھیں: اسرائیل کی حالت زار: سابق صیہونی وزیر خارجہ کی زبانی

اس کے علاوہ نیویارک یونیورسٹی میں غزہ اور فلسطین کے ساتھ اظہار یکجہتی کے لیے ریلی میں امریکی طلباء کی ایک اور تعداد بھی شامل ہوئی جنہوں نے غزہ میں جنگ کے خاتمے کا مطالبہ کیا۔