غزہ کی پٹی میں صیہونی قابضین کے ہاتھوں تباہ ہونے والے رہائشی مکانات کی تعداد

🗓️ 28 دسمبر 2023

سچ خبریں: غزہ کے سرکاری اطلاعاتی دفتر نے اعلان کیا ہے کہ صیہونی حکومت نے غزہ پر حملے کے دوران اس پٹی میں 65 ہزار سے زائد رہائشی یونٹس کو تباہ کر دیا۔

الجزیرہ نیوز چینل کی رپورٹ کے مطابق غزہ کے سرکاری انفارمیشن آفس نے اعلان کیا ہے کہ صہیونی فوج نے غزہ پر حملے کے آغاز سے لے کر اب تک فلسطینی قوم کے خلاف 1779 جرائم کیے ہیں۔

یہ بھی پڑھیں: صیہونی حکومت اور غزہ میں جنگی جرائم

اس فلسطینی تنظیم نے تاکید کی کہ غزہ پر صیہونی حملے کے نتیجے میں 8800 بچوں اور 6300 خواتین سمیت 21110 افراد شہید ہوئے جبکہ اسرائیلی قابضین نے غزہ کی پٹی میں 65 ہزار سے زائد رہائشی یونٹس کو تباہ کر دیا۔

غزہ کے اسٹیٹ انفارمیشن آفس نے کہا کہ ہم قابض فوج کے ہاتھوں 80 شہیدوں کی لاشوں کو نقصان پہنچانے کی مذمت کرتے ہیں نیز رفح اور دیگر تمام کراسنگ پوئنٹز کو فوری طور پر کھولنے کا مطالبہ کرتے ہیں۔

فلسطینی حکومت کے اس ادارے نے اعلان کیا کہ ہم چاہتے ہیں کہ دوسری طرف سے جمع ہونے والی امداد کے داخلے کے لیے کراسنگ کھول دی جائے،ہم روزانہ کم از کم 1000 امدادی ٹرک غزہ میں داخل ہونے کا مطالبہ کرتے ہیں۔

غزہ کے اسٹیٹ انفارمیشن آفس نے کہا کہ غزہ پر حملے کے آغاز سے اب تک 40 امدادی کارکن اور 103 صحافی شہید ہوچکے ہیں جبکہ 7000 افراد لاپتہ بھی ہوئے ہیں۔

تھوڑی دیر پہلے غزہ کے میئر نے اعلان کیا کہ غزہ کی میونسپلٹی کو میونسپل سروس سسٹم کے مسلسل خاتمے کے ساتھ ساتھ گزشتہ اکتوبر کے آخر سے کوئی ایندھن نہیں ملا ہے۔

مزید پڑھیں: اسرائیلی دہشت گردی کے خلاف امریکی عوام کا شدید احتجاج، امریکا کی جانب سے ہر طرح کی امداد بند کرنے کا مطالبہ

غزہ کے میئر نے تاکید کی کہ یونیسیف نے کل ہم سے وعدہ کیا تھا کہ ایندھن ہم تک پہنچے گا لیکن ہم اس بات پر زور دیتے ہیں کہ ہمیں ابھی تک کچھ نہیں ملا۔