غزہ کی تباہی پہلے سے کہیں زیادہ 

سچ خبریں: عبرانی اخبار "ہارٹز” نے تسلیم کیا ہے کہ سیٹلائٹ تصاویر سے ظاہر ہوتا ہے کہ غزہ پٹی میں ہونے والی تباہی پہلے کے اندازوں سے کہیں زیادہ وسیع ہے۔ رپورٹ کے مطابق، غزہ کی کم از کم 70 فیصد عمارتیں رہائش کے قابل نہیں رہیں۔

واضح رہے کہ رفح میں 90 فیصد اور شمالی غزہ میں 84 فیصد عمارتیں مکمل طور پر تباہ ہو چکی ہیں۔

رپورٹ میں زور دیا گیا ہے کہ غزہ پٹی میں عمارتوں کی تباہی صیہونی ٹھیکیداروں کی جانب سے کی جا رہی ہے، جس پر اسرائیلی فوج کی نگرانی ہے۔ ہر عمارت کو گرانے پر ٹھیکیداروں کو 5,000 شیکل (اسرائیلی کرنسی) ادائیگی کی جاتی ہے، جس کی وجہ سے وہ زیادہ سے زیادہ علاقوں کو تباہ کرنے کی کوشش کر رہے ہیں۔