غزہ سے دو قیدیوں کی لاشیں برآمد:اسرائیلی فوج کا دعویٰ

غزہ سے دو قیدیوں کی لاشیں برآمد:اسرائیلی فوج کا دعویٰ

 اسرائیلی فوج نے دعویٰ کیا ہے کہ اس نے غزہ پٹی سے اپنے دو قیدیوں کی لاشیں برآمد کی ہیں، جن میں سے ایک کی شناخت کر لی گئی ہے جبکہ دوسرے کی شناخت کا عمل جاری ہے۔

اسرائیلی چینل 12 کے مطابق فوج نے 55 سالہ ایلان فایس کی لاش غزہ سے نکالی ہے۔ بتایا گیا ہے کہ وہ مقبوضہ بئیری بستی کا رہائشی تھا اور 7 اکتوبر 2023 کے حملے میں ہلاک ہوا تھا۔ اس کی لاش بعد ازاں غزہ منتقل کی گئی تھی۔ رپورٹ کے مطابق، فایس کی اہلیہ اور بیٹی نومبر میں قیدیوں کے تبادلے کے معاہدے کے تحت رہا کی گئی تھیں۔

اسرائیلی فوج کا مزید کہنا ہے کہ ایک اور قیدی کی لاش بھی غزہ سے نکالی گئی ہے لیکن اس کی شناخت کے لیے تحقیقات جاری ہیں۔

وزیر اعظم بنیامین نیتن یاهو نے ایک مرتبہ پھر کہا ہے کہ قیدیوں کی بازیابی کے لیے جنگ جاری رہے گی اور تمام قیدی، خواہ زندہ ہوں یا مردہ، واپس لائے جائیں گے۔

اسرائیل کے اندر قیدیوں کے اہل خانہ اور سیاسی حلقے نتنیاهو پر الزام عائد کر رہے ہیں کہ وہ ذاتی سیاسی مفادات کے لیے غزہ میں جنگ کو طول دے رہا ہے، جس کے نتیجے میں مزید جانیں ضائع ہو رہی ہیں۔صہیونی ذرائع کے مطابق، اس وقت غزہ میں 49 اسرائیلی قیدی موجود ہیں جن میں سے تقریباً 20 زندہ ہیں۔