عرب صیہونی نشست ملتوی ہونے کی وجوہات

?️ 26 جون 2023

سچ خبریں: صیہونی حکومت کے وزیر خارجہ نے مراکش میں بعض عرب ممالک اور تل ابیب کے وزرائے خارجہ کے اجلاس کے ملتوی ہونے کی وجہ مغربی کنارے میں صیہونی بستیوں کی توسیع کو بتایا۔

اسپوٹنک نیوز ایجنسی کی رپورٹ کے مطابق اسرائیلی وزیر خارجہ ایلی کوہن نے اعتراف کیا کہ النقب 2 میٹنگ کے نام سے مشہور بعض عرب ممالک اور تل ابیب کے درمیان مراکش میں ہونے والی ملاقات ملتوی ہونے کی وجہ اس حکومت کا مغربی کنارے میں صیہونی بستیوں کی توسیع کا فیصلہ ہے۔

مزید: ایران اور سعودی عرب کے معاہدوں سے اسرائیل کے منصوبے ناکام: صہیونی میڈیا

انہوں نے مزید دعویٰ کیا کہ یہ نشست عرب ممالک کے ساتھ تعلقات کو معمول پر لانے کے لیے ایک قدم ثابت ہو سکتی ہے، کوہن نے مزید کہا کہ امریکہ اس اجلاس کے انعقاد میں ایک اہم معاون کردار ادا کرتا ہے۔

چند روز قبل مراکش کے وزیر خارجہ ناصر بوریطہ نے النقب2 اجلاس کے ملتوی ہونے پر پہلے سرکاری ردعمل میں، جو بعض عرب ممالک کے حکام اور صیہونی حکومت کے درمیان ہونا تھا، اس بات پر زور دیا کہ یہ اجلاس ۔ موسم گرما کے بعد تک ملتوی کیا جا سکتا ہے۔

انہوں نے مزید کہا کہ ہم ابھی بھی مراکش میں اس اجلاس کا انعقاد چاہتے ہیں کیونکہ مطلوبہ نتائج حاصل کرنے کے لیے سیاسی عمل کی اہمیت ہے، تاہم مراکش کے وزیر خارجہ نے اس اجلاس کے لیے کوئی مخصوص تاریخ مقرر نہیں کی۔

قابل ذکر ہے کہ صیہونی حکومت ، متحدہ عرب امارات، بحرین، مراکش، مصر اور امریکہ کے وزرائے خارجہ درمیان مذکورہ بالا ملاقات گزشتہ مارچ میں ہونا تھی لیکن فلسطین میں صیہونی حکومت کے اقدامات اور صیہونی وزیراعظم بنیامین نیتن یاہو کی کابینہ کی پالیسیوں پراس اجلاس کے شرکاء کے غصہ کی وجہ سے اسے چار مرتبہ ملتوی کیا جا چکا ہے۔

یہ بھی:اسرائیل اور سعودی عرب کے درمیان تعلقات کی بحالی پر بات چیت جاری ہے:صیہونی میڈیا

یاد رہے کہ اس طرح کا پہلا اجلاس مارچ 2022 میں النقب میں صیہونی حکومت کے اس وقت کے وزیر خارجہ یایر لاپڈ کی دعوت پر منعقد ہوا تھا جس میں امریکہ، متحدہ عرب امارات، مراکش،بحرین اور مصر کے وزرائے خارجہ نے شرکت کی۔