عربوں کے دروازے اسرائیل کے لیے  کھلے،ہمارے لیے بند:لبنانی پارلیمنٹ اسپیکر

?️ 21 فروری 2022

سچ خبریں:لبنانی پارلیمنٹ کے اسپیکر نے صیہونی حکومت کا مقابلہ کرنے کے لیے اتحاد کو برقرار رکھنے کی ضرورت پر زور دیتے ہوئے کہاکہ یہ معقول نہیں ہے کہ عرب دروازے اسرائیل کے لیے کھولے جائیں اور لبنان کے لیے بند کیے جائیں۔
النشرہ چینل کی رپورٹ کے مطابق لبنانی پارلیمنٹ کے اسپیکر نبیہ بری نے لبنان کی تازہ ترین صورتحال پر گفتگو کرتےہوئے کہا کہ یہ ملک اعتدال اور اتحاد کے سوا اپنے راستے پر نہیں چل سکتا،انھوں نے کہا کہ اسرائیل کے خلاف مزاحمت کی راہ میں بھی لبنان کے اتحاد کے بغیر کوئی کامیابی حاصل نہیں ہو سکتی۔

نبیہ بری نے انٹرویو مصری اخبار الاحرام کو انٹرویو دیتے ہوئے کہا کہ اس لیے کسی بھی دشمن بالخصوص اسرائیل کے خلاف مزاحمت کا بہترین طریقہ داخلی اتحاد کو برقرار رکھنا ہے، انھوں نے مزید کہاکہ لبنان میں جو کچھ ہوا ہے، اسے ‘سیاسی کورونا’ کہا جاسکتا ہے، اس کورونا نے ایسی صورت حال پیدا کر دی ہے جس کی کسی نے پیشین گوئی نہیں کی تھی۔

نبیہ نے کہاکہ یہ نہیں کہا جا سکتا کہ لبنان جسے کبھی مشرق وسطیٰ کا سوئٹزرلینڈ اور تمام عرب ممالک کا پیارا کہا جاتا تھا، اس وقت اس کا دیوالیہ ہو چکا ہےجبکہ لبنان کے پاس قدرتی گیس سے بھرئےسمندر سمیت بہت زیادہ وسائل اور اثاثے ہیں۔

لبنانی پارلیمنٹ کے اسپیکر نے اپنی بات جاری رکھتے ہوئے کہا کہ لبنان میں لیکویڈیٹی کی کمی اور اقتصادی صورت حال کی خرابی کی وجہ سیاست کی کمی ہے، سیاسی غربت نہیں اور یہی چیز لبنان کو اس مرحلے تک لے آئی ہے۔