عراق کے انتخابات،حقیقت یا وہم؟

عراق کے انتخابات،حقیقت یا وہم؟

 عراق میں پارلیمانی انتخابات قریب آ رہے ہیں اور سیاسی سرگرمیاں تیزی سے بڑھتی جا رہی ہیں۔ 20 نومبر کو ہونے والے ان انتخابات سے قبل ملک کی سڑکیں، دیواریں اور عوامی مقامات امیدواروں کے پوسٹروں اور انتخابی نعروں سے بھر گئے ہیں۔

عراقی خبررساں ویب سائٹ المعلومہ نے اپنے تجزیے میں لکھا ہے کہ موجودہ انتخابی فضا میں ایک اہم سوال ہر شہری کے ذہن میں گردش کر رہا ہے:تجزیہ نگار ریاض الفرطوسی کے مطابق، عراقی عوام نے گزشتہ برسوں میں سیاست دانوں کے بے شمار وعدے سنے، لیکن ہر بار انتخابات کے بعد وہ وعدے فراموش کر دیے گئے۔اب عوام زیادہ باشعور ہو چکے ہیں اور جانتے ہیں کہ انتخابات کوئی کھیل یا رسمی کارروائی نہیں، بلکہ ملک کی سمت بدلنے کا واحد پرامن راستہ ہیں۔

اس بار الیکشن کمیشن کی جانب سے بیشتر امیدواروں کی جانچ پڑتال کی گئی اور کئی چہروں کو بدعنوانی اور نااہلی کی وجہ سے رد کیا گیا۔اس کے باوجود،کچھ پرانے سیاست دان دوبارہ میدان میں ہیں، لیکن تجزیہ نگار کا کہنا ہے کہ نئی نسل کے امیدواروں کی موجودگی امید کی کرن ہے۔

الفرطوسی کے مطابق، عراق اس وقت ایک پیچیدہ سیاسی اور سماجی دوراہے پر کھڑا ہے ایک طرف بیرونی دباؤ اور دوسری طرف داخلی مسائل نے ملک کو مشکل صورتحال میں ڈال رکھا ہے۔

تاہم ان کا کہنا ہے کہ اگرچہ انتخابی نعروں اور تصاویر کو وہم کہا جا سکتا ہے، لیکن انتخابات خود وہم نہیں۔انتخابات ہی وہ قانونی اور پرامن راستہ ہیں جن کے ذریعے عراق میں استحکام اور سیاسی زندگی دوبارہ بحال ہو سکتی ہے۔