عراقی حزب اللہ کے میزائلوں سے بھی صیہونیوں کو خطرہ

?️ 26 جون 2021

سچ خبریں:ایک مغربی اخبار نے عراق کےاسلامی مزاحمتی گروپ نجباء کی میزائل طاقت کا ذکر کرتے ہوئے لکھا ہے کہ نجباء کی میزائل طاقت بھی تل ابیب کے لئے خطرہ ہے۔
جرمن اخبار بیلڈنے عراق کی اسلامی مزاحمتی تحریک نجباء کی میزائل طاقت کے بارے میں ایک مضمون شائع کیا ہے،اخبار نے اپنے مضمون میں لکھا ہےکہ اس عظیم عراقی گروہ کی میزائل طاقت تل ابیب کے لئے خطرہ ہے، رپورٹ کے مطابق جرمن اخبار بیلڈ نے یہ بھی لکھا ہےکہ عراق میں نجباء سمیت تمام مزاحمتی گروہ ایک مقصد پر گامزن ہیں اور وہ ہے اسرائیل کی تباہی۔

اخبار نے الشامری کے تبصرے کا حوالہ دیا جس میں انھوں نے کہا کہ فلسطینی مزاحمتی تحریک کی اعانت اور حمایت صرف تجربے اور اسلحے کی منتقلی تک محدود نہیں ہے بلکہ ہم اسرائیل کے اندر ٹھکانوں کو براہ راست نشانہ بناسکتے ہیں،بیلڈ اخبار نے یہ بھی لکھاہے کہ نجباء کے پاس موجود نقطہ پر مار کرنے والے میزائل اسرائیل کے لئے بہت سے خطرات ایجاد کرسکتے ہیں۔

واضح رہے کہ اسرائیل اور فلسطینی مزاحمتی تحریک کے درمیان ہون والی حالیہ بارہ روز جنگ میں صیہونیوں کو بری طرح شکست ہوئی جس سے اس عالمی سطح پر اس ریاست کو بہت زیادہ ذلت اٹھا نا پڑی نیز اس شکست کا اتنا زیادہ اثر ہوا کہ جہاں میں مزاحمتی تحریک کا نام آتا ہے صیہونیوں کی حالت خراب ہو جاتی ہے اور ان کی نیندیں اڑ جاتی ہیں اس لیے کہ انھیں حیفا اور تل ابیب میں بجنے والے خطرے کے سائرن یاد آنے لگتے ہیں۔