صیہونی ہمارے انتخابات میں حصہ لینے کے مخالف ہیں:حماس

?️ 6 مارچ 2021

سچ خبریں:حماس کے سیاسی بیورو کے ایک ممبر نے اعلان کیا کہ صہیونی حکومت فلسطینی عام انتخابات میں اس تحریک کو حصہ لینے سے روکنے کی کوشش کر رہی ہے۔
فلسطین ٹوڈے کی رپورٹ کے مطابق حماس کے پولیٹیکل بیورو کے ایک رکن حسام بدران کا کہنا ہے کہ صیہونی حکومت نے حماس کے رہنماؤں اور ان کے حامیوں کو گرفتار کرکے انہیں مغربی کنارے میں فلسطینی انتخابات میں حصہ لینے کی دھمکی دی ہے،انھوں نے کہا کہ صہیونی نہیں چاہتے کہ حماس فلسطینی انتخابات میں کامیابی حاصل کرے ، لیکن ہم فلسطینیوں میں اتحاد کی قیمت ادا کرنے کو تیار ہیں۔

انہوں نے مزید کہاکہ حماس فلسطین میں آئندہ انتخابات اور اس تحریک کے داخلی انتخابات کی تیاری کر رہی ہے، بدران نے کہاکہ حماس تحریک کسی بھی صورتحال میں ہر 4 سال بعد اپنے انتخابات کرواتی ہےجبکہ انتخاب پر بحث مباحثے اس تحریک کی متحرکیت کی عکاسی کرتی ہے اور یہ ظاہر کرتی ہے کہ حماس انفرادی فیصلوں کے ساتھ یکطرفہ تنظیم نہیں ہے، انہوں نے کہاکہ اگر داخلی انتخابات کے بعد اس کے رہنماؤں کی سطح میں تبدیلیاں آتی ہیں تو اس کا مطلب اس تحریک کے نقطہ نظر میں تبدیلی نہیں ہوگی۔

بدران نے زور دے کر کہاکہ ہم چاہتے ہیں کہ فلسطین میں عام انتخابات داخلی فساد کو ختم کرنے کی طرف ایک قدم ثابت ہوں،یادرہے کہ قبل ازیں حماس کے ترجمان حازم قاسم نے اعلان کیا تھا کہ فلسطین میں کامیاب قومی انتخابات کے لئے یہ تحریک مکمل طور پر تیار ہے، اس سلسلے میں حازم قاسم نے کہا کہ حماس قومی اتحاد اور مفاہمت کے حصول کے لئے بہت سے مطالبات اور امور سے دوچار ہے، انہوں نے زور دے کر کہا کہ حماس طے پانے والے معاہدوں کے مطابق فلسطین کی داخلی صورتحال کو بہتر بنانے کے لئے انتخابات کو ایک بہت اہم قدم سمجھتی ہے،واضح رہے کہ فلسطین کے قومی انتخابات کے انعقاد کے لئے فتح اور حماس اس وقت بات چیت کر رہی ہیں۔