صیہونی وزیر نے ایسا کیا کہہ دیا کہ اقوام متحدہ سے بھی برادشت نہ ہوا؟

?️ 28 جون 2023

سچ خبریں: اقوام متحدہ کے نائب ترجمان نے صیہونی حکومت کے داخلی سلامتی کے وزیر کے فلسطینی مخالف موقف پر تنقید کی۔

اقوام متحدہ کے نائب ترجمان فرحان حق نے اعلان کیا کہ یہ تنظیم انسانی جانوں کو خطرے میں ڈالنے والے کسی بھی موقف کے خلاف ہے۔

یادر ہے کہ فرحان حق کے یہ الفاظ صیہونی حکومت کے قومی سلامتی کے وزیر ایتمار بن گوئر کی جانب سے مزید صیہونی بستیوں کی تعمیر اور فوجی کاروائیوں اور ہزاروں فلسطینیوں کو ہلاک کرنے کی دھمکیوں کے جواب میں سامنے آئے۔

یہ بھی: انتہاپسند وزیر کو برخواست کرنا چاہیے؛صیہونی شہریوں کا مطالبہ

فرحان حق نے تاکید کی کہ ایسے الفاظ کو روکنا چاہیے، خاص طور پر وزراء کی طرف سے۔ اس سے قبل، نسل پرستانہ بیانات میں صیہونی حکومت کے وحشیانہ اور مجرمانہ کردار کا اظہار کرتے ہوئے، بن گوئر نے مزید فلسطینیوں کے قتل عام پر زور دیا۔

انہوں نے کہا کہ موجودہ کابینہ کے دوران ہم نے گزشتہ 6 ماہ میں 120 فلسطینیوں کو قتل کیا ہے اور یہ تعداد مزید بڑھے گی،بن گوئر نے مزید کہا کہ ہمیں مزید فلسطینیوں کو قتل کرنا ہے، اسرائیلی شہری بھی ہم سے بھی یہی چاہتے ہیں اور ہم اس مشن کو انجام دینے کی صلاحیت رکھتے ہیں۔

واضح رہے کہ بن گوئر صیہونی حکومت کے انتہائی دائیں بازو کے وزراء میں سے ایک ہیں جنہوں نے نیتن یاہو کی نئی کابینہ کے اقتدار سنبھالنے کے بعد سے فلسطینیوں کے خلاف انتہائی سخت موقف اپنایا ہے۔

مزید: صیہونی حکومت کو شدید ترین بحران کا سامنا ہے:امریکی اخبار

ایک صیہونی عہدیدار نے یہ بھی اعلان کیا تھا کہ صیہونی حکومت کی موجودہ کابینہ کے داخلی سلامتی کے وزیر کے انتہاپسندانہ موقف کی وجہ سے ہم غیر معمولی تنہائی میں داخل ہونے کے دہانے پر ہیں۔