صیہونی فوج کے ہاتھوں فلسطینی نوجوان شہید

?️ 14 فروری 2022

سچ خبریں:مغربی کنارے میں صیہونی فوج کی بلااشتعال فائرنگ کے نتیجہ میں ایک فلسطینی نوجوان شہید جبکہ دس زخمی ہوگئے۔
فلسطین الیوم کی رپورٹ کے مطابق فلسطین کی وزارت صحت کی جانب سے جاری بیان کے مطابق مغربی کنارے میں اسرائیلی فورسزکی فائرنگ سے ایک فلسطینی نوجوان شہید ہوگیا،اطلاعات کے مطابق مغربی کنارے میں اسرائیلی فورسز کی فائرنگ سےایک فلسطینی نوجوان شہید اور10 زخمی ہوگئے۔

ذرائع کے مطابق قابض اسرائیلی فوجیوں نے مغربی کنارے میں فلسطینی شہری کا گھرتباہ کرنے کی کوشش کی، مزاحمت کرنے پراندھا دھند فائرنگ کی جس کے نتیجے میں ایک فلسطینی نوجوان شہید اور10 زخمی ہوگئے۔

اسرائیلی فورسزکی فائرنگ کے بعد علاقے کے لوگ بڑی تعداد میں باہرآگئے اوراسرائیلی مظالم کے خلاف احتجاج کیا،ذرائع کے مطابق ایک طرف فلسطینیوں کے خلاف اسرائيل کے بھیانک مظالم کا سلسلہ جاری ہے اور دوسری طرف امارات ، بحرین اور سعودی عرب غاصب صہیونی حکومت کے ساتھ سفارتی تعلقات کو مضبوط کررہے ہیں جبکہ فلسطینی مسلمانوں کا کہنا ہے کہ وہ امارات، بحرین اور سعودی عرب کے خائن حکمرانوں کی خیانت اور غداری کو کبھی فراموش نہیں کریں گے۔

اس کے علاوہ عالم اسلام اور دنیا بھر کی انصاف پسند شخصیتوں نے عرب ممالک کے اس اقدام کو اسلام اور فلسطین کے غداری کے ساتھ فلسطینی عوام کی پیٹھ میں چھرا مارنا قرار دیا ہے۔