صیہونی فوجیوں کے ہاتھوں فلسطینی خاتون شہید

?️ 17 فروری 2021

سچ خبریں:اسرائیلی فوجیوں نے مقبوضہ علاقوں میں اپنے جرائم جاری رکھتے ہوئے بیت المقدس میں ایک فلسطینی خاتون کو شہید کردیا۔
العہد نیوز ایجنسی کی رپورٹ کے مطابق صہیونی ملیشیا مقبوضہ علاقوں میں فلسطینیوں کے خلاف جرائم کا ارتکاب کرتی رہتی ہے، صہیونیوں نے حال ہی میں بیت المقدس کے جنوب میں الدہیشہ کیمپ پر حملہ کیا، رپورٹ کے مطابق صہیونی عسکریت پسندوں نے ایک ظالمانہ حملے کے بعد الدہیشہ میں مقیم فلسطینیوں پر فائرنگ کردی، اس وحشیانہ حملے میں ایک فلسطینی خاتون رحمت ابو عاہور شہید ہوگئی، عینی شاہدین کا کہنا ہے کہ صیہونی عسکریت پسندوں نے الدہیشہ کیمپ میں واقع فلسطینی خاتوں کے گھر پر اچانک اور بے دردی سے چھاہ مارا جس کی وجہ سے فلسطینی خاتون کو دل کا دورہ پڑا اور شہید ہوگئی۔

واضح رہے کہ ایک طرف صیہونیوں نے فلسطینیوں کو ان کے گھروں سے نکال دیا اور وہ پناہ گزین کیمپوں میں رہنے پر مجبور ہوئے ،وہاں پر بھی صیہونی انھیں چین نے نہیں دے رہے ہیں ،آئے دن پناہ گزین کیمپوں پر حملوں کی خبر سننے کو ملتی ہیں اور دوسری طرف پوری عالمی برادری غاصب اور جارح صیہونیوں کا ساتھ دے رہی ہے اور ان دہشتگردوں کو لگام دینے کے لیے کوئی اقدام نہیں کر رہی ہے۔،

عالمی برادری کی دور کی بات متعدد عرب شیخ نشین ریاستوں کے حکمران اپنے فلسطینی بھائیوں کے تمام حقوق کو پیروں تلے روندتے ہوئے اس غاصب اور غیر قانونی ریاست کے ساتھ تعلقات کو بحال کرنے میں ایک دوسرے سے سبقت لے جانے کی کوششوں میں مصروف ہیں جس میں متحدہ عرب امارت ، بحرین اور سعودی عرب پیش پیش ہیں،متحدہ عرب امارات نے فلسطینی بچوں کے قاتلوں کے لیے اپنے ملک کو ایک تفریح گاہ بنا دیا ہے کہ جب وہ فلسطینیوں پر ظلم کر کے تھک جائیں تو یہاں آکر آرام کر سکتے ہیں،واضح رہے کہ عرب حکمرانوں کے اس طرح کے اقدام نےانھیں پوری دنیا کے انصاف پسندوں کی نظروں میں گرا دیا ہے اور وہ ان اقدام کو فلسطینیوں کی پیٹھ میں چھرا گھونپنے کے مترادف قرار دیتے ہیں۔