صیہونی حکومت خطہ کی اقوام کی دشمن ہے: ایرانی صدر

?️ 3 جون 2022

سچ خبریں:ایران کے صدر نے آرمینیا کے وزیراعظم کے ساتھ ٹیلفونک گفتگو کے دوران کہا کہ فلسیطنیوں کے خلاف صیہونی مظالم کی دنیا میں مثال نہیں ملتی نیز صیہونی خطہ کی اقوام کی دشمن ہیں۔
اسلامی جمہوریہ ایران کے صدر سید ابراہیم رئیسی نے آرمینیا کے وزير اعظم نیکول پاشینیان کے ساتھ یٹلیفون پر گفتگو کرتے ہوئے کہا ہے کہ فلسطینی عوام پر اسرائيل کے وحشیانہ اور بہیمانہ ظلم و ستم کی کوئي مثال نہیں ملتی نیز اسرائیل علاقائی اقوام کا دشمن ہے۔

ایرانی صدر نے کہا کہ ایران کی پالیسی تمام ممالک کی ارضی سالمیت اور حاکمیت کا احترام کرنے پر مشتمل ہے نیز ایران کی خارجہ پالیسی ہمسایہ اور علاقائی ممالک کے ساتھ مضبوط اور مستحکم تعاون کو فروغ دینے پر استوار ہے، رئیسی نے آذربائیجان اور آرمینیا کے درمیان کشیدگي کو مذاکرات کے ذریعہ حل کرنے کی حمایت کرتے ہوئے کہا کہ ایران دونوں ممالک کے درمیان امن و صلح برقرار کرنے کے لئے اپنا کردار ادا کرنے کے لئے تیار ہے۔

انھوں نے کہا کہ ایران علاقائي مسائل کو علاقائی ممالک کے تعاون سے مسائل حل کرنے پر یقین رکھتا ہے جبکہ غیر علاقائی ممالک کی مداخلت سے مسائل مزید پیچيدہ ہونے کا خدشہ ہے، اس باہمی گفتگو میں آرمینیا کے وزير اعظم نے علاقائی اور عالمی سطح پر ایران کے اصولی اور منطقی مؤقف کی تعریف کرتے ہوئے کہا کہ ایران خطے کا اہم ملک ہے جو علاقائي سطح پر امن و صلح کا خواہاں ہے، آرمینیا کے وزير اعظم نے ایران کے ساتھ مختلف شعبوں میں باہمی تعلقات کو فروغ دینے پر تاکید کی۔

پاشینیان نے آذربائیجان اور آرمینیا کے درمیان مذاکرات کا ذکر کرتے ہوئے کہا کہ آرمینیا تہران میں گروپ 3+3 کے رکن ممالک کے اجلاس کا خیر مقدم کرتا ہے۔