صیہونی حکام غزہ جنگ کی خبریں باہر آنے سے کیوں ڈرتے ہیں؟

?️ 25 دسمبر 2023

سچ خبریں: الجزیرہ نیوز چینل نے انکشاف کیا ہے کہ تل ابیب حکام نے ایک نئے اعلان میں میڈیا پر نشر ہونے والے مواد کی نگرانی کو تیز کر دیا ہے اور وہ کسی بھی اسرائیلی میڈیا کو جنگ کی حساس خبریں شائع کرنے کی اجازت نہیں دیتے۔

الجزیرہ نیوز چینل نے انکشاف کیا ہے کہ صیہونی حکومت کی فوجی نگرانی کرنے والے ادارے نے اسرائیلی میڈیا کو اپنی ہدایات میں آگاہ کیا ہے کہ انہیں اجازت حاصل کیے بغیر جنگی حالات کے بارے میں خبریں نشر کرنے کی اجازت نہیں ہے۔

یہ بھی پڑھیں: 20% اسرائیلی نوجوان خودکشی کی طرف مائل ہیں: صہیونی میڈیا

اسرائیل کی ملٹری مانیٹرنگ آرگنائزیشن ایک فوجی یونٹ ہے جو صیہونی حکومت کی ملٹری انٹیلی جنس تنظیم سے منسلک ہے جسے امان کے نام سے جانا جاتا ہے جس کا سربراہ ایک افسر ہوتا ہے جسے ملٹری مانیٹر کہا جاتا ہے،یہ تنظیم صیہونی حکومت کی سلامتی کو نقصان پہنچانے والی خبروں کی اشاعت کو روکنے کی ذمہ دار ہے۔

الجزیرہ کی رپورٹ کے مطابق اتوارکو اس تنظیم نے تمام اسرائیلی میڈیا کو مطلع کیا کہ قیدیوں کے بارے میں کسی بھی طرح کی کوئی معلومات شائع نہ کریں چاہے وہ ان کی جسمانی حالت کے بارے میں ہو یا ان کی رہائی کے لیے ہونے والے مذاکرات کے حوالے سے تل ابیب کے موقف کے بارے میں ۔

ملٹری مانیٹرنگ آرگنائزیشن نے میڈیا سے یہ بھی کہا کہ وہ مقبوضہ فلسطینی علاقوں میں حساس مقامات پر فوجی آپریشنز، انٹیلی جنس اور میزائل حملوں کی تفصیلات شائع نہ کریں۔

اسرائیلی میڈیا کو جنگی میدانوں میں اعلیٰ فوجی حکام کے دوروں اور اسرائیلی فوج کے زیر استعمال ہتھیاروں اور آلات کے بارے میں خبریں شائع کرنے کی بھی اجازت نہیں ہے۔

اس ہدایت میں اسرائیلی چینلز کو کابینہ کے اجلاسوں کے بارے میں خبریں شائع کرنے کی بھی اجازت نہیں ہے جب تک ان نشریات کو فوجی نگرانی کرنے والے ادارے کی جانب سے پیشگی منظوری نہ دی جائے۔

یاد رہے کہ اسرائیلی ذرائع ابلاغ کو صیہونی حکومت کی ہلاکتوں کے اعدادوشمار فوجی نگرانی کے ادارے کی منظوری کے بعد شائع کرنے کی اجازت ہے۔

مزید پڑھیں: 5 لاکھ سے زیادہ اسرائیلی خاندان غذائی عدم تحفظ کا شکار:عبرانی میڈیا

فلسطینی مزاحمتی گروپوں نے متعدد بیانات میں اس بات پر زور دیا ہے کہ اسرائیلی فوج غزہ کی پٹی میں زمینی لڑائی میں اپنی ہلاکتوں کی اصل تعداد کا اعلان نہیں کرتی۔

فلسطین کی اسلامی مزاحمتی تحریک (حماس) کی عسکری ونگ کتائب القسام نے متعدد بیانات میں اعلان کیا ہے کہ اس نے غزہ کی پٹی کے مختلف علاقوں میں درجنوں اسرائیلی فوجیوں کو ہلاک اور یاسین 105 راکٹ کا استعمال کرتے ہوئے درجنوں اسرائیلی بکتر بند گاڑیوں اور ٹینکوں کو تباہ کر دیا ہے۔