صیہونی آبادکاروں کا مقبوضہ گولان میں نیتن یاہو کا عجیب استقبال

?️ 3 اکتوبر 2023

سچ خبریں:احتجاج کرنے والے آباد کار مقبوضہ گولان میں اس ہوٹل کے سامنے جمع ہوئے جہاں صیہونی حکومت کے وزیراعظم مقیم ہیں۔

سما نیوز ایجنسی کی رپورٹ کے مطابق صہیونی آباد کاروں نے نیتن یاہو کے عدالتی اصلاحات کے منصوبے کے خلاف احتجاج جاری رکھا ہوا ہے۔

صہیونی ٹیلی ویژن چینل کان نے اپنی ایک رپورٹ میں اعلان کیا ہے کہ صیہونی آباد کاروں نے گولان میں ایک ہوٹل کے سامنے احتجاجی ریلی کی۔

یہ بھی پڑھیں: نیتن یاہو کے خلاف مظاہرے نہیں رکیں گے

اس رپورٹ کے مطابق اسرائیلی وزیر اعظم بنیامین نیتن یاہو اور ان کی اہلیہ سارہ اس ہوٹل میں اپنی چھٹیاں گزار رہے ہیں لیکن ان کی چھٹیوں کے دوران بھی وہ آباد کاروں کے احتجاج سے محفوظ نہیں رہے۔

یہ اس حقیقت کے باوجود ہے کہ صیہونی حکومت کے چینل 12 نے کل اتوار کی شام یہ اطلاع دی تھی کہ نیتن یاہو نے شمالی مقبوضہ گولان کے علاقے موشاف نیفی اطیف میں اپنی اہلیہ سارہ کے ساتھ تعطیلات گزارنے کا منصوبہ بنایا تھا لیکن اس علاقے میں ان کے خلاف ہونے وال احتجاجی مظاہروں کی وجہ سے انہوں نے اپنی چھٹیوں کے شیڈول میں تاخیر کا فیصلہ کیا ہے۔

اس رپورٹ کے ساتھ ہی صیہونی چینل نے اعلان کیا کہ اسرائیلی پولیس مظاہروں سے نمٹنے کے لیے پانی چھڑکنے والی گاڑیوں اور دیگر آلات کو موشاف کے علاقے میں منتقل کر رہی ہے۔

مزید پڑھیں: نیتن یاہو کے خلاف مسلسل 24ویں ہفتے مظاہرے جاری

یاد رہ کہ صیہونی آبادکار نیتن یاہو کے عدالتی اصلاحات کے منصوبے کے خلاف احتجاج کے لیے مسلسل 39ویں ہفتے سے سڑکوں پر ہیں اور مقبوضہ علاقوں کے مختلف حصوں میں ہفتہ وار احتجاجی مظاہرے کر رہے ہیں۔