صیہونیوں کے ہاتھوں اردنی پارلیمنٹ رکن گرفتار

?️ 24 اپریل 2023

سچ خبریں:اردنی وزارت خارجہ کے ترجمان نے غاصب صیہونی حکومت کے ہاتھوں اس ملک کے پارلیمنٹ رکن کی گرفتاری کا اعلان کیا۔

مرکزاطلاعات فلسطین کی رپورٹ کے مطابق اردن کی وزارت خارجہ نے ایک بیان میں اعلان کیا ہے کہ وہ صیہونی حکومت کے ہاتھوں اس ملک کی پارلیمنٹ رکن کی گرفتاری کے سلسلے میں پیروی کرے گی۔ اس حوالے سے اردنی وزارت خارجہ کے ترجمان سنان المجالی نے کہا ہے کہ ان کی وزارت تمام متعلقہ فریقوں کے ساتھ مل کر اس اردنی نمائندے کی گرفتاری کی پیروی کرے گی اور فی الحال اس معاملے کی تحقیقات کر رہی ہے۔

یاد رہے کہ صیہونی حکومت نے اردن کے پارلیمانی نمائندے کو مقبوضہ علاقوں میں اسلحہ اسمگل کرنے کے جھوٹے الزام میں گرفتار کر لیا ہے، صیہونی حکومت نے اردنی پارلیمنٹ کے رکن عماد عدوان کو اردن سے مقبوضہ فلسطینی علاقوں میں اسلحہ اسمگل کرنے کی کوشش کے جھوٹے الزام میں گرفتار کرنے کے بعد صہیونی فوج کے ترجمان نے ایک بیان میں دعویٰ کیا ہے کہ شباک فورسز اور پولیس نے 3 مسافروں کے ساتھ ایک کار کو پکڑا جو اردن سے مقبوضہ علاقوں میں داخل ہونے والی تھی اور اس کار میں 3 سوٹ کیس تھے جن میں درجنوں ہتھیار ، اسلحہ تھا اور 100 کلو گرام سونا تھا جو پولیس نے ضبط کر لیا۔

اس بیان میں دعویٰ کیا گیا ہے کہ صیہونی فوج نے اردن کے اندر اس گاڑی کی نقل و حرکت پر نظر رکھی تھی اور آخرکار اسے قبضے میں لے لیا اور گرفتار کیے جانے والے افراد کو مقبوضہ علاقے کے اندر موجود تفتیشی مراکز میں منتقل کر دیا گیا۔