صیہونیوں کے خاتمے تک مزاحمت جاری رہے گی:حماس

?️ 24 جولائی 2022

سچ خبریں:تحریک حماس کے ترجمان نے نابلس پر صیہونی فوج کے حملے کے خلاف فلسطینی نوجوانوں کے مقابلے کو سراہتے ہوئے تاکید کی کہ فلسطینی عوام کی مزاحمت قابض حکومت کے زوال کے سوا نہیں رکے گی۔
فلسطین ٹوڈے کی رپورٹ کے مطابق فلسطین کی اسلامی مزاحمتی تحریک حماس نے اتوار کو اعلان کیا ہے کہ مقبوضہ مغربی کنارے میں صیہونی قبضے کے خلاف جاری انتفاضہ یہ ثابت کرتا ہے کہ فلسطینی عوام کی مزاحمت قابض حکومت کے زوال کے سوا نہیں رکے گی نیز نابلس، جینین اور مغربی کنارے کے تمام شہر ناقابل تسخیر رہیں گے۔

حماس کے ترجمان عبداللطیف القانوع نے اپنے ایک مختصر بیان میں فلسطینی عوام اور مزاحمت کے جوانوں کو سلام پیش کرتے ہوئے،جنہوں نے نابلس شہر پر صیہونی حکومت کے حملے کا پوری ہمت اور طاقت سے مقابلہ کیا ، اس بات پر زور دیا کہ فلسطینیوں کی آزادی کے لیے جدوجہد جاری ہے۔

انہوں نے کہا کہ مغربی کنارے میں عوامی انتفاضہ صیہونیوں کی مکمل شکست ، قابض حکومت کے مقاصد اور فلسطینی سرزمین سے اس کے خاتمہ تک جاری رہے گا،القانوع نے تاکید کی کہ نابلس شہر میں مسلسل جھڑپیں اور فلسطینی عوام کا غاصب صیہونی حکومت کے خلاف عظیم جنگی جذبے کے ساتھ ردعمل، اس حکومت کے خلاف مزاحمت اور بڑھتی ہوئی جدوجہد کو جاری رکھنے کے لیے ان لوگوں کی ہمت اور عزم کا ثبوت ہے۔