صیہونیوں کا فلسطینیوں کے سامنے اپنی بے بسی کا اعتراف

?️ 10 ستمبر 2022

سچ خبریں:صیہونی حکومت کے ذرائع ابلاغ نے اس حکومت کے ایک فوجی افسر کے حوالے سے اعتراف کیا ہے کہ فلسطین کی صورت حال تباہی کے دہانے پر ہے جس سے اسرائیل کو تشویشناک صورتحال کا سامنا ہے۔

صہیونی فوج کے ایک ریزرو افسر آلون بیتار نے اس حکومت کے چینل 13 سے گفتگو کرتے ہوئے کہا کہ ” کوئی بھی صحیح قدم اٹھانے کے لیے ہمیں موجودہ صورت حال کا اچھی طرح سے تجزیہ کرنے کی ضرورت ہے اس لیے کہ 2007 کے دوسرے انتفاضہ کے بعد سے ہم نے ایسی صورتحال نہیں دیکھی۔

صہیونی چینل کان کے سیاسی امور کے تجزیہ کار نے گزشتہ جمعرات کو کہا کہ فلسطینی شہروں کی کشیدہ صورتحال کے سامنے اس حکومت کے سکیورٹی اداروں کی صورتحال انتہائی تشویشناک ہے، یاد رہے کہ چند روز قبل صیہونی حکومتی میڈیا نے اعلان کیا تھا کہ حالیہ مہینوں میں ہم نے مغربی کنارے میں جو کچھ دیکھا ہے وہ انتفاضہ کی ایک مختلف قسم ہے جس میں فوج کے خلاف سب سے زیادہ تشدد ہوتا ہے۔

قابض حکومت کے ذرائع ابلاغ نے ایک باخبر ذریعے کا بھی حوالہ دیا جو اس حکومت کے سینئر رہنماؤں کے درمیان ہونے والی ملاقاتوں سے باخبر ہے اور امریکی محکمہ خارجہ کے مشرق وسطیٰ کے شعبے کی سربراہ باربرا لیو نے کہا کہ امریکی اس بارے میں بہت پریشان ہیں اس لیے کہ مغربی کنارے میں ہونے والے واقعات اور اس علاقے میں جنگ کا خوف ہے۔