سچ خبریں:اعلیٰ سطحی صیہونی سکیورٹی ذرائع نے شامی حکومت کو گرانے کا آپشن بے سود ہونے کو تسلیم کرتے ہوئے کہا کہ واشنگٹن اور خطے میں اس کے دیگر عرب اتحادیوں کی دمشق حکومت کو گرانے کی تمام کوششوں کے باوجود کہ بشار الاسد طاقت میں باقی ہیں۔
بعض عرب ممالک اور دمشق کے درمیان تعلقات کو معمول پر لانے اور ترقی کرنے کے حوالے سے متعدد رپورٹس کی اشاعت کے بعد، جن کے بارے میں سیاسی مبصرین کا خیال ہے کہ واشنگٹن کی جانب سے ہری جھنڈی دکھا دی گئی ہے، تل ابیب کے پاس اپنے پرانے اتحادی کی طرح موجودہ حقیقت کو قبول کرنے کے سوا کوئی چارہ نہیں ہے لہذا انھوں نے باقاعدہ طورپر تسلیم کیا ہے کہ بشار الاسد کی حکومت کو گرانے کی تمام تر کوششیں بے سود رہی ہیں۔
انٹر ریجنل اخبار رائے الیوم نے عبرانی اخبار اسرائیل ہیوم میں شائع ہونے والی ایک رپورٹ کا حوالہ دیتے ہوئے لکھا ہے کہ اسرائیل نے باضابطہ طور پر شام میں اپنی شکست تسلیم کر لی ہے اور وہ جانتا ہے کہ اسد کو اقتدار سے ہٹانا اب کوئی آپشن نہیں ہے اور وہ تقریباً دس سال بعد اپنا اثر و رسوخ بڑھا رہے ہیں اسی مناسبت سے ایک عسکری تجزیہ کار لیلاخ شووال نے عبرانی اخبار اسرائیل ہیوم کو سینئر اسرائیلی سکیورٹی ذرائع کے حوالے سے بتایا کہ شام میں حالیہ تبدیلیاں بہت ڈرامائی اور حیرت انگیز تھیں۔
واضح رہے کہ شام میں ایک وحشیانہ خانہ جنگی میں تقریباً ایک دہائی کی وحشیانہ خونریزی کے بعد جس میں لاکھوں افراد ہلاک اور زخمی ہوئے اور لاکھوں لوگ ملک چھوڑ کر بھاگ گئے،اس ملک کےصدر بشار الاسد اقتدار میں واپس آ چکے ہیں اور اب وہ ملک پر اپنی حکمرانی مسلط کرنے کی کوشش کر رہے ہیں۔
انہوں نے دعویٰ کیا کہ بشار الاسد اب پورے شام اور حتیٰ کہ ایران جیسی جماعتوں پر بھی اپنا اقتدار مسلط کرنا چاہتے ہیں جنہوں نے اس جنگ میں ان کی مدد کی ہے،اسرائیلی تجزیہ کار کا حوالہ دیتے ہوئے کہا گیا کہ اسد کا یہ اقدام اس لحاظ سے دلچسپ ہے کہ وہ ایرانیوں اور حزب اللہ کےمرہون منت ہیں کیونکہ خانہ جنگی کے آغاز میں اسد کو کئی شکستوں کا سامنا کرنا پڑا، لیکن ایران اور حزب اللہ اور پھر روس ان کی طرف بڑھے اوروہ جیت گئے۔
