صیہونیوں کا شامی فوج کے ٹھکانوں پر مارٹر حملہ

?️ 7 جنوری 2022

سچ خبریں:ذرائع ابلاغ کا کہنا ہے کہ شام کے شہر قنیطرہ میں الحریہ گاؤں اسرائیلی مارٹر حملے کے بعد آگ کی زد میں آ گیا۔
المیادین چینل نے اپنی ایک رپورٹ میں کہا ہے کہ شام کے قنیطرہ علاقہ میں شامی فوج کے ٹھکانوں پر اسرائیلی مارٹر گولوں کی اطلاعات موصول ہوئی ہیں،رپورٹ کے مطابق قنیطرہ کے شمالی نواحی گاؤں الحریہ میں صہیونی حملے کے نتیجے میں آگ لگ گئی۔

یادرہے کہ صیہونی ہیلی کاپٹر اور جاسوس طیارے اس وقت مقبوضہ گولان کی پہاڑیوں پر پرواز کر رہے ہیں،جبکہ کچھ ابتدائی رپورٹس شام اور عراق میں دریائے فرات کی سرحد کے ساتھ امریکی فوجی نقل و حرکت میں مشتبہ اضافے کی نشاندہی کرتی ہیں۔

یادرہے کہ چند گھنٹے قبل امریکی اتحادی افواج نے شام کے بعض علاقوں کے خلاف کاروائی شروع کی تھی،امریکی محکمہ دفاع کے ترجمان نے مشرقی شام میں امریکی فوجیوں کی نقل و حرکت میں اضافے کو بین الاقوامی اتحاد کے خلاف خطرات کا جواب قرار دیا،واضح رہے کہ گزشتہ رات (بدھ کی رات)، خبری ذرائع نے اطلاع دی کہ امریکی اڈے پر آٹھ سی قسم کے میزائلوں سے حملہ کیا گیا جس کے بارےمیں ابھی تک تفصیلات منظر عام پر نہیں آئی ہی۔

واضح رہے کہ اس طرح کے حملوں سے ثابت ہوتا ہے کہ امریکہ عراق اور شام میں اب محفوظ نہیں ہے اس لیے مزاحمتی تحریک کا کہنا ہے کہ وہ امریکہ کوقابض کی نظروں سے دیکھتی ہے۔